Photos : ‘मोत्यांचा टॉप, टॅटू अन्…’; अमृता धोंगडेचा ग्लॅमरस लूक पाहिलात का?

स्टार प्रवाह वाहिनीवर ‘आमच्या लाडक्या नाईक बाई’ ही नवीकोरी मालिका प्रेक्षकांच्या भेटीस येण्यासाठी सज्ज झाली आहे. या मालिकेत महाराष्ट्राची आवडती अभिनेत्री अमृता धोंगडे मुख्य भूमिकेत पाहायला मिळणार आहे. अमृताने शेअर केलेले तिचे काही खास फोटो सध्या सोशल मीडियावर तुफान व्हायरल होत आहेत. या फोटोंमध्ये अमृताने मोत्यांची सुरेख रचना असलेला पांढऱ्या रंगाचा स्टायलिश टॉप आणि फिकट निळी जीन्स असा आऊटफिट परिधान केला आहे. मोकळे सोडलेले कुरळे केस, चेहऱ्यावरील सुंदर ग्लॅम मेकअप आणि लिपस्टिक तिच्या लूकला अधिक आकर्षक बनवीत आहे. तिच्या मनगटावरील सूर्य-चंद्राचे टॅटू, सोन्याचे कडे आणि दुसऱ्या हातातील मोत्यांचे ब्रेसलेट तिच्या या लूकची शोभा वाढवत आहे. नाकातील नाजूक चमकी आणि चेहऱ्यावरील गोड स्मिताने तिच्या या मनमोहक लूकला परिपूर्णता मिळवून दिली आहे. अमृताचे हे ग्लॅमरस रूप पाहून, तिचे चाहते या फोटोंवर लाइक्स आणि कमेंट्सचा वर्षाव करीत आहेत. (सर्व फोटो सौजन्य: अमृता धोंगडे/इन्स्टाग्राम)