Photos: ‘तुला जपणार आहे’फेम अभिनेत्रीच्या निळ्या साडीत बोल्ड अन् पारंपरिक अंदाज

झी मराठी वाहिनीवरील ‘तुला जपणार आहे’ मालिका सध्या प्रेक्षकांच्या विशेष पसंतीस उतरत आहे. या मालिकेत अंबिका ही भूमिका साकारणारी अभिनेत्री प्रतीक्षा शिवणकर तिच्या उत्कृष्ट अभिनयाने प्रेक्षकांची मने जिंकत आहे. नुकतेच तिने तिच्या सोशल मीडिया अकाउंटवरून एक अतिशय खास आणि कलात्मक साडीतील फोटोशूट शेअर केले आहे. या नव्या फोटोंमध्ये प्रतीक्षाने परिधान केलेल्या गडद निळ्या रंगाच्या रेशमी साडीने सर्वांचे लक्ष वेधून घेतले आहे. या साडीला असलेली सोनेरी अन् तांबूस रंगाचा काठ तिच्या या लूकला एक वेगळाच राजेशाही साज प्रदान करीत आहे. अतिशय कल्पकतेने ड्रेप केलेली ही साडी तिने ब्लाऊजशिवाय परिधान करून, या फोटोशूटला एक प्रयोगशील लूक दिला आहे. कपाळावर नाजूक लाल टिकली, नाकातील नथ, कानातील डूल तिच्या सौंदर्याला अधिकच मराठमोळा स्पर्श देतो. प्रतीक्षाचा हा सुंदर आणि अनोखा अवतार पाहून चाहत्यांनी या फोटोंवर लाइक्स आणि कमेंट्सचा मोठ्या प्रमाणात वर्षाव केला आहे. (सर्व फोटो सौजन्य: प्रतीक्षा शिवणकर/इन्स्टाग्राम)