Photos: 'आता थांबवायचं कसं?' नाटकातील ऐश्वर्या शेटेचा बनारसी साडीतील लूक चर्चेत

दिग्दर्शक संदीप दंडवते यांच्या 'आता थांबवायचं कसं?' (Aata Thambvaicha Kasa Marathi Natak) या नव्या कोऱ्या नाटकाला प्रेक्षकांचा उदंड प्रतिसाद मिळत आहे. हे नाटक प्रेक्षकांना खळाळून हसवणारं, अंतर्मुख करणारं आणि मनात घर करून राहणारा एक सुंदर अनुभव देणारं आहे. एक अशी कथा जी विचार करायला भाग पाडते आणि पडदा पडल्यानंतरही दीर्घकाळ आठवणीत राहते. या नाटकात लोकप्रिय अभिनेत्री ऐश्वर्या शेटे (Aishwarya Shete) महत्त्वपूर्ण भूमिकेत दिसत आहे. ऐश्वर्याबरोबरच या नाटकात ज्येष्ठ अभिनेते डॉ. गिरीश ओक, जान्हवी पणशीकर, आकाश पाटील आणि सुकन्या मोने यांच्याही प्रमुख भूमिका आहेत. सध्या सोशल मीडियावर ऐश्वर्याच्या एका खास साडीतील लूकची जोरदार चर्चा सुरू आहे. ऐश्वर्याने शेअर केलेल्या फोटोंमध्ये ती पेस्टल गुलाबी रंगाच्या बनारसी साडीमध्ये अतिशय सुंदर दिसत आहे. या बनारसी साडीबरोबर ऐश्वर्याने परिधान केलेला आकर्षक हार, नाजूक कानातले आणि बांगड्या तिच्या सौंदर्याला अधिकच खुलवत आहेत. (सर्व फोटो सौजन्य : ऐश्वर्या शेटे/इन्स्टाग्राम) (हेही पाहा : 'वचन दिले तू मला' मालिकेतील अनुष्का सरकटेचा सोनेरी ड्रेसमध्ये स्टायलिश अंदाज)