Photos : ‘शुभ श्रावणी’फेम वल्लरी विराजचा गुलाबी अनारकलीत मनमोहक फोटोशूट

झी मराठीवरील ‘शुभ श्रावणी’ मालिका आपल्या रंजक वळणांमुळे सध्या प्रेक्षकांच्या विशेष पसंतीस पडत आहे. या मालिकेत श्रावणीची मुख्य भूमिका साकारणाऱ्या अभिनेत्री वल्लरी विराजने आपल्या उत्कृष्ट अभिनयाने प्रेक्षकांची मने जिंकली आहेत. वल्लरी सोशल मीडियावर नेहमीच सक्रिय असते आणि ती तिचे नवनवीन व स्टायलिश फोटो चाहत्यांसोबत शेअर करीत असते. नुकतेच तिने आपल्या अधिकृत इन्स्टाग्राम अकाउंटवरून खास ड्रेसमधील काही आकर्षक फोटो पोस्ट केले आहेत. या फोटोंमध्ये तिने अतिशय सुंदर असा गुलाबी रंगाचा अनारकली ड्रेस परिधान केला आहे. ड्रेसवर तिने घेतलेली आकर्षक नारंगी रंगाची ओढणी तिच्या लूकला अधिकच खुलवत आहे. कानात नाजूक कर्णफुले आणि केसांचा सुंदर अंबाडा बांधून वल्लरीने आपला हा ट्रॅडिशनल लूक पूर्ण केला आहे. हे मनमोहक फोटो शेअर करीत तिने ‘Happiness is a choice’ अशी साधी आणि सुंदर कॅप्शन दिली आहे. तिचा हा नवा अंदाज चाहत्यांना खूप आवडला असून, त्यांनी फोटोंवर लाइक्स आणि कमेंट्सचा वर्षाव केला आहे. (सर्व फोटो सौजन्य: वल्लरी विराज/इन्स्टाग्राम)