Photos : ‘ठरलं तर मग’फेम मोनिका दबाडेचा गुलाबी कुर्ती-धोती सेटमधील सोबर लूक चर्चेत

स्टार प्रवाहवरील लोकप्रिय मालिका ‘ठरलं तर मग’मधून घराघरात पोहोचलेली अभिनेत्री मोनिका दबाडे सध्या सोशल मीडियावर चांगलीच चर्चेत आहे. नुकतेच मोनिकाने तिच्या सोशल मीडियावर काही नवीन आणि ग्लॅमरस फोटो शेअर केले आहेत, ज्यांना चाहत्यांची चांगली पसंती मिळत आहे. या नवीन फोटोंमध्ये मोनिकाने गुलाबी रंगाचा एक सुंदर स्लीव्हलेस कुर्ता परिधान केला आहे, ज्यावर छोटे पांढरे नक्षीकाम आहे. या कुर्त्यावर तिने पांढऱ्या रंगाची धोती पॅन्ट परिधान केली असून, त्यावर गुलाबी फुलांचे छोटे नक्षीकाम केले आहे. मोनिकाने या आऊटफिटवर साधा मेकअप केला असून, तिने मोकळ्या केसांची हेअरस्टाईल निवडली आहे, ज्यामुळे ती अधिकच सुंदर दिसत आहे. तिने आपल्या लूकला अधिक आकर्षक बनविण्यासाठी चंदेरी रंगाचे झुमके आणि हातामध्ये एक सुंदर घड्याळ घातले आहे. या फोटोंना तिने ‘मी’ अशी कॅप्शन दिली आहे. चाहत्यांनी तिच्या या फोटोंवर कमेंट्स करीत तिच्या सौंदर्याचे खूप कौतुक केले आहे. मोनिका सोशल मीडियावर नेहमीच सक्रिय असते आणि ती आपले नवीन फोटो आणि व्हिडिओ शेअर करून चाहत्यांशी संवाद साधत असते. (सर्व फोटो सौजन्य: मोनिका दबाडे/इन्स्टाग्राम)