Photos: ‘शुभ श्रावणी’फेम वल्लरी विराजचा केशरी रंगाच्या बांधणी साडीतील लूक चर्चेत

झी मराठी वाहिनीवरील लोकप्रिय मालिका ‘शुभ श्रावणी’ सध्या प्रेक्षकांच्या पसंतीस उतरताना दिसत आहे. या मालिकेत मुख्य भूमिका साकारणारी अभिनेत्री वल्लरी विराज हिने आपल्या सहजसुंदर अभिनयाने प्रेक्षकांची मने जिंकली आहेत. वल्लरी सोशल मीडियावर भलतीच सक्रिय असून ती सतत आपले नवनवीन फोटो आणि व्हिडिओ चाहत्यांसोबत शेअर करत असते. नुकतेच तिने आपल्या अधिकृत सोशल मीडिया अकाउंटवर काही अत्यंत आकर्षक आणि सुंदर फोटोशूटचे फोटो पोस्ट केले आहेत. तिने नारिंगी रंगाची बारीक बांधणी डिझाईन आणि नाजूक वर्क असलेली सुंदर पारंपरिक साडी परिधान केली आहे. या साडीवर तिने डार्क हिरव्या (बॉटल ग्रीन) रंगाचा, भरगच्च एम्ब्रॉयडरी वर्क आणि नाजूक बॉर्डर असलेला डिझायनर ब्लाऊज परिधान केला आहे. तिने गळ्यात मोती आणि हिरव्या खड्यांचे कॉम्बिनेशन असलेला कुंदन नेकलेस, कानात मॅचिंग झुमके आणि केसात माळलेला गजरा असा परिपूर्ण साज शृंगार केला आहे. तिचा हा सात्विक आणि सौंदर्यपूर्ण लूक पाहून चाहत्यांनी या फोटोंवर लाइक्स आणि कमेंट्सचा जोरदार वर्षाव केला आहे. (सर्व फोटो सौजन्य: वल्लरी विराज/इन्स्टाग्राम)