Photos: ‘तारिणी’फेम अभिज्ञा भावेच्या घरी सत्यनारायणाची पूजा; पतीबरोबर शेअर केले खास फोटो

मराठी चित्रपट व मालिका विश्वातील प्रसिद्ध अभिनेत्री अभिज्ञा भावे हिने नुकतीच तिच्या घरी अत्यंत भक्तिभावाने श्री सत्यनारायणाची पूजा आयोजित केली होती. धार्मिक व कौटुंबिक सोहळ्याचे सुंदर फोटो सोशल मीडियावर समोर आले असून चाहत्यांकडून तिच्यावर शुभेच्छांचा वर्षाव होत आहे. पूजेच्या वेळी अभिज्ञा भावे हिने नेसलेली आकाशी रंगाची पारंपरिक साडी, गळ्यात शोभणारा नाजूक दागिना आणि चेहऱ्यावरील हसू तिच्या सौंदर्याला अधिकच खुलवत होते. फोटोंमध्ये अभिज्ञा आणि तिचा पती दोघेही पूजेच्या वातावरणात अतिशय प्रसन्न व पारंपरिक लूकमध्ये पाहायला मिळत आहेत. घरातील पूजेची चौरंग सजावट, केळीचे खांब, फुलांची सुंदर आरास आणि सत्यनारायणाचा प्रसाद सर्व काही अगदी नीटनेटके व पारंपरिक पद्धतीने सजवले गेले होते. या पूजेप्रसंगी कुटुंबातील सर्व महिला सदस्य एकत्रित आल्या असून त्यांनी खास कौटुंबिक क्षणांचा आनंद लुटत फोटोसेशन केले. सोशल मीडियावर हे खास फोटो शेअर करत अभिज्ञाने ‘A Simple सत्यनारायण’ अशी कॅप्शन दिली आहे. सध्या अभिज्ञा भावे ही ‘झी मराठी’ वाहिनीवरील लोकप्रिय मालिका ‘तारिणी’मध्ये आपल्या उत्कृष्ट अभिनयाने प्रेक्षकांचे भरभरून मनोरंजन करत आहे. (सर्व फोटो सौजन्य: अभिज्ञा भावे/इन्स्टाग्राम)