Photos : श्वेता शिंदेच्या गुलाबी रंगाच्या साडीतील सौंदर्यावर चाहते घायाळ; फोटोंवर कौतुकाचा वर्षाव

लोकप्रिय अभिनेत्री व यशस्वी निर्माती श्वेता शिंदे हिने आपल्या उत्तम मालिकांच्या निर्मितीने प्रेक्षकांच्या मनात एक वेगळे स्थान निर्माण केले आहे. सोशल मीडियावर सतत सक्रिय असणाऱ्या श्वेताने नुकतेच आपले काही अत्यंत सुंदर फोटो शेअर करीत चाहत्यांचे लक्ष वेधून घेतले आहे. तिने परिधान केलेली गुलाबी आणि नारिंगी रंगाच्या शेड्सची रेशमी पैठणी तिच्या सौंदर्याला अधिकच खुलवत आहे. साडीचा काठ आणि पदरावरील सोनेरी नक्षीकाम तिच्या या पारंपरिक रूपाला एक वेगळीच भव्यता प्रदान करत आहे. या लूकला साजेसे असे बारीक नक्षीकाम असलेला मोत्यांचा चोकर हार, मॅचिंग झुमके आणि हातात घातलेली सुटसुटीत गोटा-बांगडी तिचे सौंदर्य अधिक अधोरेखित करते. केसांचा बांधलेला सुंदर अंबाडा, त्यावर माळलेला गजरा आणि कपाळावरील नाजूक लाल टिकली तिच्या मराठमोळ्या लूकची शोभा वाढवत आहे. या नव्या फोटोशूटचे फोटो पोस्ट करताना तिने ‘Shades of sunset, draped to perfection’, अशी सुंदर कॅप्शन दिली आहे. श्वेताच्या या सोज्वळ आणि पारंपरिक लूकवर तिचे चाहते घायाळ झाले असून सोशल मीडियावर तिच्या या फोटोंवर लाइक्स आणि कमेंट्सचा वर्षाव होत आहे. (सर्व फोटो सौजन्य: श्वेता शिंदे/इन्स्टाग्राम)