Photos: कान्हाच्या रंगात रंगली वैष्णवी कल्याणकर; श्रीकृष्ण जन्माष्टमीनिमित्त मनमोहक फोटोशूट

आज ४ सप्टेंबर रोजी संपूर्ण देशभरात श्रीकृष्ण जन्माष्टमीचा उत्साह मोठ्या उत्साहात साजरा केला जात आहे. आपल्या उत्कृष्ट अभिनयाने प्रेक्षकांच्या मनात हक्काचे स्थान निर्माण करणाऱ्या वैष्णवी कल्याणकरने जन्माष्टमीनिमित्त एक खास फोटोशूट केले आहे. तिने या सुंदर फोटोशूटचा व्हिडीओ सोशल मीडियावर शेअर केला असून, तो सध्या तुफान व्हायरल होत आहे. वैष्णवीने पांढऱ्या रंगाचा पारंपरिक पोशाख आणि त्यावर लाल रंगाची नक्षीदार ओढणी परिधान केलेली दिसत आहे. राधेच्या रूपात सजलेली वैष्णवी झोपाळ्यावर बसून हातात बासरी धरून ती वाजवण्याचा सुंदर अभिनय करताना दिसत आहे. कपाळावर आणि डोळ्यांच्या बाजूला काढलेली सुंदर नक्षी तसेच केसात खोवलेले मोरपीस तिच्या या पारंपरिक साजाला परिपूर्ण करत आहे. ही पोस्ट शेअर करत वैष्णवीने ‘कान्हाच्या रंगात रंगलेलं मन… मुरलीच्या सुरांत हरवलेले क्षण… Happy Janmashtami’ अशी कॅप्शन दिली आहे. वैष्णवीचे हे खास कृष्णजन्माष्टमीनिमित्त केलेले रूप आणि तिचा हा मनमोहक अंदाज तिच्या चाहत्यांच्या पसंतीस पडत आहे. (सर्व फोटो सौजन्य: वैष्णवी कल्याणकर/इन्स्टाग्राम) (हेही पहा: श्रीकृष्ण जन्माष्टमीनिमित्त ‘लग्नानंतर होईलच प्रेम’फेम अभिनेत्रीचं राधा-कृष्णाच्या रूपातील अनोखं फोटोशूट)