Photos: ‘हातात मोगरा, कपाळावर चंद्रकोर...’; जिनिलीया देशमुखचं पंजाबी सुटमधील फोटो चर्चेत

अभिनेत्री जिनिलीया देशमुख ही तिची उत्कृष्ट अभिनयशैली आणि सोज्वळ सौंदर्य यांच्या जोरावर नेहमीच चाहत्यांची मने जिंकून घेते. तिने नुकतेच तिच्या सोशल मीडिया अकाउंटवर पारंपरिक पोशाखातील काही खास आणि आकर्षक फोटो शेअर केले आहेत. या फोटोंमध्ये ती लाल रंगाचा हेवी वर्क असलेला पंजाबी सूट आणि त्यावर मॅचिंग धोती-सलवार परिधान करून अत्यंत सुंदर दिसत आहे. या लूकला अधिक आकर्षक बनवण्यासाठी तिने कानामध्ये लांब पारंपरिक झुमके, हातात अंगठ्या आणि सुंदर हातफूल परिधान केले आहे. मोकळे सोडलेले केस, कपाळावर छोटी लाल टिकली आणि हातातील गजरा तिच्या या पारंपरिक सौंदर्याला अधिकच खुलवत आहे. विशेष म्हणजे दहीहंडीच्या विशेष प्रसंगासाठी तिने हा खास पारंपरिक आणि देखणा लूक साकारला होता. हे फोटो शेअर करताना तिने ‘A slow Sunday is my kinda luxury’ अशी सुंदर कॅप्शनदेखील दिली आहे. तिच्या या नटखट आणि हसर्या फोटोंवर सध्या तिचे चाहते लाइक्स आणि कमेंट्सचा वर्षाव करीत आहेत. (सर्व फोटो सौजन्य: जिनिलीया देशमुख/इन्स्टाग्राम) (हेही पहा: खुशबू तावडेने अक्कलकोटमध्ये साजरा केला वाढदिवस; पती अन् मुलांसह घेतले स्वामी समर्थांचे दर्शन)