Photos: 'बंडखोर' चित्रपटाच्या ट्रेलर लाँच सोहळ्यात प्रियदर्शिनी इंदलकरचा काळ्या साडीतील लूक

मराठीतील लोकप्रिय अभिनेत्री प्रियदर्शिनी इंदलकर (Priyadarshini Indalkar) लवकरच महेश मांजरेकर (Mahesh Manjrekar) दिग्दर्शित 'बंडखोर' (Bandkhor Movie) या चित्रपटातून प्रेक्षकांच्या भेटीला येणार आहे. अन्यायकारक परिस्थितीविरोधात लढा देणाऱ्या सहा महिलांची संघर्षगाथा या चित्रपटात पाहायला मिळणार आहे. नुकताच या चित्रपटाचा भव्य ट्रेलर लाँच सोहळा मुंबईतील ‘नीता मुकेश अंबानी कल्चरल सेंटर’ (NMACC) येथे पार पडला. या सोहळ्यात प्रियदर्शिनीने परिधान केलेल्या काळ्या रंगाच्या सिल्क साडीने सर्वांचे लक्ष वेधून घेतले. ‘बंडखोर’ या चित्रपटाच्या निमित्ताने मराठी इंडस्ट्रीतील नव्या-जुन्या पिढीतील सहा गुणी अभिनेत्रींची मोट बांधली गेली आहे. प्रियदर्शिनीबरोबरच छाया कदम, मृणाल कुलकर्णी, पूजा कातुर्डे, तितिक्षा तावडे आणि नित्यश्री ज्ञानलक्ष्मी या अभिनेत्री प्रमुख भूमिकेत दिसणार आहेत. आपल्या आजूबाजूला दिसणाऱ्या सामान्य महिलांचे प्रतिनिधित्व करणाऱ्या या सहाजणींची गोष्ट असलेला ‘बंडखोर’ चित्रपट २४ सप्टेंबरला चित्रपटगृहात प्रदर्शित होत आहे. (सर्व फोटो सौजन्य : प्रियदर्शिनी इंदलकर/इन्स्टाग्राम) (हेही पाहा : बालकलाकार मायरा वायकुळ कुटुंबाबरोबर सिंगापूर सफर; फोटो शेअर करत म्हणाली...)