Photos: 'जयंती २' चित्रपटाच्या प्रीमियर सोहळ्यात प्रियदर्शिनी इंदलकरच्या वेस्टर्न लूकने वेधले लक्ष

Priyadarshini Indalkar Jayanti 2 Movie Premiere: लोकप्रिय मराठी अभिनेत्री प्रियदर्शिनी इंदलकरचा 'जयंती २' हा चित्रपट ११ सप्टेंबर रोजी संपूर्ण महाराष्ट्रात प्रदर्शित होणार आहे. २०२१ मध्ये प्रदर्शित झालेल्या 'जयंती' या पहिल्या भागाला प्रेक्षकांचा मोठा प्रतिसाद मिळाला होता आणि त्याची खूप चर्चा झाली होती. या चित्रपटाच्या प्रीमियर सोहळ्यात प्रियदर्शिनीने पांढऱ्या रंगाचा टॉप आणि राखाडी रंगाचा स्कर्ट असा सुंदर वेस्टर्न लूक केला होता, ज्याने उपस्थितांचे लक्ष वेधून घेतले. 'जयंती २' या चित्रपटातून कॉलेजमधील रॅगिंग आणि भेदभावाचा मुद्दा मांडण्यात आला आहे. चंद्रपूरसारख्या भागातून उच्च शिक्षणासाठी शहरात येणाऱ्या 'पायल' नावाच्या मुलीची कथा या चित्रपटात दाखवण्यात आली आहे. या चित्रपटाची निर्मिती 'मेलिओरिस्ट फिल्म स्टुडिओ'ने केली असून, कथा, संवाद आणि दिग्दर्शन शैलेश बळीराम नरवाडे यांचे आहे. या चित्रपटात प्रियदर्शिनीबरोबर अभिनेता ऋतुराज वानखेडे, पायल जाधव, रोहिणी हट्टंगडी, देविका दफ्तरदार, विजय निकम, राजकुमार जरांगे आणि मानसी सुभाष अशी दमदार कलाकारांची फौज पाहायला मिळणार आहे. (सर्व फोटो सौजन्य : प्रियदर्शिनी इंदलकर/इन्स्टाग्राम) (हेही पाहा : ६२ व्या महाराष्ट्र राज्य चित्रपट पुरस्कार सोहळ्यात राणी मुखर्जीचा हिरव्या साडीतील सुंदर लूक)