राहुल वैद्यचं स्वप्नातलं घर! वांद्रे येथील ९ कोटींच्या घरामधून दिसतो भव्य सी-व्ह्यू, पाहा खास फोटो...

प्रसिद्ध गायक राहुल वैद्य आणि त्याची अभिनेत्री पत्नी दिशा परमार मुंबईतील वांद्रे येथे ९ कोटींच्या नव्या आलिशान घरात शिफ्ट झाले आहेत. बॉलीवूडची प्रसिद्ध चित्रपट निर्माती व कोरिओग्राफर फराह खान हिने राहुल आणि दिशा यांच्या या नव्या समुद्रकिनाऱ्यालगतच्या (सी-फेसिंग) पेंटहाऊसला भेट दिली. फराह खानने तिच्या नवीन व्लॉगमध्ये राहुल वैद्य आणि दिशा परमार यांच्या आलिशान घराची पहिली झलक चाहत्यांसोबत शेअर केली आहे. राहुल वैद्य आणि दिशा परमार यांनी फराह खानला त्यांच्या या लक्झरी पेंटहाऊस अपार्टमेंटची संपूर्ण सफर घडवून आणली. या आलिशान पेंटहाऊसच्या गच्चीवर एक मोठे टेरेस गार्डन आणि निसर्गरम्य दृश्य दिसणारा खासगी स्विमिंग पूल आहे. घराच्या गच्चीवर मोकळ्या आकाशाखाली एक आधुनिक काऊंटर आणि किचन एरिया तयार करण्यात आला आहे. या नव्या घराचे लिव्हिंग रूम अत्यंत प्रशस्त असून, तिथे आकर्षक मॉडर्न सोफा, लायटिंग आणि भव्य डिझाईन पाहायला मिळते. राहुल आणि दिशाचे मॉडर्न किचन अत्यंत नीटनेटके आणि आधुनिक सोई-सुविधांनी सज्ज आहे. या आलिशान आणि भव्य घराची सध्या सोशल मीडियावर आणि चाहत्यांमध्ये प्रचंड चर्चा रंगली आहे. (सर्व फोटो सौजन्य: फराह खान युट्यूब व्हिडीओ) (हेही पहा: चांदीचा मखर, उकडीचे मोदक अन् वरणभाताचा बेत; सारा तेंडुलकरने शेअर केले घरच्या गणेशोत्सवाचे सुंदर फोटो!)