Photos: 'मृत्यूचक्र' चित्रपटातील अक्षया गुरवचा पैठणी साडीतील मनमोहक अंदाज

लोकप्रिय मराठी अभिनेत्री अक्षया गुरव (Akshaya Gurav) लवकरच 'मृत्यूचक्र' या आगामी चित्रपटातून प्रेक्षकांच्या भेटीला येणार आहे. "एक चक्र… अनेक चेहरे… आणि प्रत्येकाच्या वाट्याला आलेलं एक गूढ सत्य! या चक्रातून सुटणार कोण? आणि अडकणार कोण?" अशी या चित्रपटाची उत्सुकता वाढवणारी टॅगलाईन आहे. या चित्रपटात अक्षया 'एसपी संजना' ही महत्त्वाची भूमिका साकारताना दिसणार आहे. या रहस्यमयी चक्राच्या मुळापर्यंत 'एसपी संजना' पोहोचणार की स्वतःच त्यात अडकणार? हे पाहणे रंजक ठरेल. या चित्रपटाच्या पुण्यातील प्रमोशनसाठी अक्षयाने खास पारंपारिक लूक केला होता. या कार्यक्रमात अक्षयाने परिधान केलेल्या गडद गुलाबी रंगाच्या सुंदर पैठणी साडीने सर्वांचे लक्ष वेधून घेतले. या पैठणी साडीवर अक्षयाने अगदी मोजक्या पण आकर्षक दागिन्यांची जोड देऊन आपला लूक पूर्ण केला होता. (सर्व फोटो सौजन्य : अक्षया गुरव/इन्स्टाग्राम) (हेही पाहा : गुलाबी नऊवारी साडी आणि पारंपरिक दागिने; शरयू सोनावणेच्या नव्या लूकची सोशल मीडियावर चर्चा)