Photos: नथीचा नखरा! शिवाली परबचा मराठमोळा नाजूक अंदाज पाहून चाहते घायाळ

आपल्या उत्कृष्ट अभिनय आणि विनोदी शैलीने प्रेक्षकांची मने जिंकणारी शिवाली परब नेहमीच नवनवीन लूकने चाहत्यांचे लक्ष वेधून घेत असते. मराठी मनोरंजन विश्वातील लोकप्रिय अभिनेत्री शिवालीने नुकतेच तिचे काही आकर्षक फोटो सोशल मीडियावर शेअर केले आहेत. या नव्या फोटोशूटमध्ये तिने मरून आणि काळ्या रंगाच्या कॉम्बिनेशनची अतिशय सुंदर साडी आणि डिझायनर ब्लाऊज परिधान केला आहे. तिच्या या साडीवरील चमकीदार सिक्विन बॉर्डर आणि डिझाईन तिच्या लूकला अधिक आकर्षक बनवत आहे. या पारंपरिक पोशाखासोबत तिने गळ्यात नाजूक सोन्याची साखळी आणि कानांत सुंदर झुमके घातले आहेत. तिच्या नाकातील सुंदर मोत्याची नथ आणि कपाळावरील चंद्रकोर तिच्या सौंदर्यात आणखीनच भर घालत आहे. शिवालीने तिच्या या खास आणि सुंदर फोटोना ‘नाजूक मी नार…’ अशी अतिशय अर्थपूर्ण कॅप्शन दिली आहे. तिच्या या फोटोंवर चाहत्यांकडून लाइक्स आणि कमेंट्सचा वर्षाव होत असून, तिचा हा अंदाज सगळ्यांनाच खूप आवडला आहे. (सर्व फोटो सौजन्य: शिवाली परब/इन्स्टाग्राम) (हेही पहा: रेवती लेलेचा पती कौशिकबरोबर खास सफरनामा; पानशेतच्या निसर्गरम्य वातावरणातील फोटो व्हायरल)