-
नवरात्री हा हिंदू धर्मातील एक अत्यंत महत्त्वाचा आणि उत्साहाचा सण आहे.
-
या नऊ दिवसांत श्री जगदंबेच्या नऊ विविध रूपांची (नवदुर्गा) अत्यंत भक्तिभावाने पूजा केली जाते.
-
यंदा शारदीय नवरात्री २०२६ ही ११ ऑक्टोबर ते १९ ऑक्टोबर २०२६ या कालावधीत साजरी केली जाईल.
-
नवरात्रीमध्ये प्रत्येक दिवशी विशिष्ट रंगाचे वस्त्र परिधान करण्याची परंपरा आहे. जाणून घ्या नवरात्रीतील ९ दिवस आणि रंगांचे महत्त्व…
-
पहिल्या दिवशी (११ ऑक्टोबर, रविवार) देवी शैलपुत्रीची पूजा केली जाते. या दिवशी नारंगी रंगाचे कपडे परिधान केले जातात. हा रंग उत्साह, ऊर्जा आणि सकारात्मकतेचे प्रतीक मानला जातो.
-
दुसऱ्या दिवशी (१२ ऑक्टोबर, सोमवार) देवी ब्रह्मचारिणीची उपासना केली जाते. या दिवशी पांढरा रंग परिधान केला जातो, जो शांतता, पवित्रता आणि साधेपणा दर्शवतो.
-
तिसऱ्या दिवशी (१३ ऑक्टोबर, मंगळवार) देवी चंद्रघंटाची पूजा केली जाते. या दिवशी लाल रंगाचे वस्त्र परिधान केले जाते, जो शक्ती, शौर्य आणि पराक्रमाचे प्रतीक आहे.
-
चौथ्या दिवशी (१४ ऑक्टोबर, बुधवार) देवी कूष्माण्डाची पूजा केली जाते. या दिवशी गडद निळा रंग वापरला जातो, जो समृद्धी, भव्यता आणि स्थिरतेचे प्रतीक आहे.
-
पाचव्या दिवशी (१५ ऑक्टोबर, गुरुवार) देवी स्कंदमाताची उपासना केली जाते. या दिवशी पिवळा रंग परिधान केला जातो, जो आनंद, ज्ञान आणि उज्ज्वल भविष्याचे प्रतीक मानला जातो.
-
सहाव्या दिवशी (१६ ऑक्टोबर, शुक्रवार) देवी कात्यायनीची पूजा केली जाते. या दिवशी हिरवा रंग परिधान केला जातो, जो निसर्ग, समृद्धी आणि नवीन सुरुवातीचे प्रतीक आहे.
-
सातव्या दिवशी ((१७ ऑक्टोबर, शनिवार) देवी कालरात्रीची उपासना केली जाते. या दिवशी राखाडी रंग परिधान केला जातो, जो संयम, वाईट शक्तींचा नाश आणि दृढनिश्चय दर्शवतो.
-
आठव्या दिवशी (१८ ऑक्टोबर, रविवार) म्हणजेच महाअष्टमीला देवी महागौरीची पूजा केली जाते. या दिवशी जांभळा रंग परिधान केला जातो, जो अध्यात्म आणि भव्यतेचे प्रतीक आहे.
-
नवरात्रीच्या शेवटच्या दिवशी (१९ ऑक्टोबर, सोमवार) म्हणजेच महानवमीला देवी सिद्धिदात्रीची पूजा केली जाते. या दिवशी मोरपंखी हिरवा रंग वापरला जातो, जो दयाळूपणा आणि पूर्णतेचे प्रतीक मानला जातो.
आतड्यात वर्षानूवर्ष साचलेला मल १ दिवसात होईल साफ! रोज सकाळी ‘रिकाम्या पोटी’ करा हा १ आयुर्वेदिक उपाय
