'बंडखोर' चित्रपटाच्या प्रीमियरला छाया कदम यांचा साडीतील सुंदर लूक; पाहा खास फोटो

महेश मांजरेकर दिग्दर्शित 'बंडखोर' (Bandkhor) हा बहुचर्चित मराठी चित्रपट २४ सप्टेंबर २०२६ रोजी चित्रपटगृहात प्रदर्शित झाला आहे. हा चित्रपट वेगवेगळ्या पार्श्वभूमीतून आलेल्या ६ स्त्रियांच्या आयुष्यावर आणि त्यांच्या संघर्षावर आधारित आहे. समाज, कुटुंब आणि पुरुषी मानसिकतेच्या चौकटी मोडून स्वतःच्या अस्तित्वासाठी, निर्णयांसाठी व स्वातंत्र्यासाठी या महिला कशी 'बंडखोरी' करतात, हे कथानकात दाखवण्यात आले आहे. या चित्रपटात राष्ट्रीय पुरस्कार विजेत्या अभिनेत्री छाया कदम यांनी एक महत्त्वाची व मध्यवर्ती भूमिका साकारली आहे. छाया कदम यांच्याबरोबर या चित्रपटात तितीक्षा तावडे, प्रियदर्शिनी इंदलकर, मृणाल कुलकर्णी, पूजा कातुर्डे, नित्यश्री ज्ञानलक्ष्मी, रावी किशोर, मंगेश देसाई, संकेत पाठक आणि सिद्धार्थ बोडके हे कलाकार प्रमुख भूमिकेत आहेत. नुकतीच छाया कदम यांनी 'बंडखोर' चित्रपटाच्या ग्रँड प्रीमियरला हजेरी लावली होती. या ग्रँड प्रीमियरसाठी छाया यांनी नेसलेल्या निळ्या रंगाच्या सिल्क साडीतील लूकने सर्वांचे लक्ष वेधून घेतले. (सर्व फोटो सौजन्य : छाया कदम/इन्स्टाग्राम) (हेही पाहा : 'कमळी' फेम सई कल्याणकरचा हिरव्या महेश्वरी साडीतील मनमोहक लूक)