Photos : दिशा परदेशीचा इटलीमध्ये सफरनामा; अभिनेत्रींच्या स्टायलिश लूकने वेधले लक्ष

झी मराठीवरील प्रसिद्ध मालिका ‘लाखात एक आमचा दादा’मधून अभिनेत्री दिशा परदेशी हिने प्रेक्षकांच्या मनात आपले एक वेगळे स्थान निर्माण केले आहे. आपल्या उत्तम अभिनयशैलीने प्रेक्षकांची मने जिंकणारी दिशा परदेशी सध्या तिच्या इटली ट्रिपमुळे सोशल मीडियावर चर्चेत आली आहे. दिशाने तिच्या या खास इटली ट्रिपचे काही सुंदर फोटो सोशल मीडियावर चाहत्यांसाठी शेअर केले आहेत. शेअर केलेल्या फोटोंमध्ये दिशा इटलीतील समुद्राकाठी निसर्गासमवेत तेथील प्रसिद्ध ज्यूसचा आस्वाद घेताना दिसत आहे. तिने इटलीतील स्थानिक दुकानांमधून शॉपिंग करतानाचा आणि तिथल्या सुंदर संस्कृतीची सफर करतानाचा फोटोही चाहत्यांसोबत शेअर केला आहे. या ट्रिपदरम्यान दिशाचा लूक अतिशय कूल आणि स्टायलिश दिसत असून, तिने शॉर्टस्, क्रॉप टॉप आणि ओव्हरसाईज शर्ट परिधान केला आहे. दिशाच्या या ट्रिपमधील कॅज्युअल आणि ग्लॅमरस लूकने सोशल मीडियावर चाहत्यांचे लक्ष वेधून घेतले आहे. (सर्व फोटो सौजन्य: दिशा परदेशी/इन्स्टाग्राम) (हेही पहा: शिवानी बावकरने शेअर केले गोव्याच्या अथांग समुद्रकाठचे फोटो; म्हणाली, “गोवाही असा असू शकतो…”)