सकाळी उठल्यावर डोके दुखतेय? 'ही' ६ मुख्य कारणे दुर्लक्षित करू नका

रात्री ८ तासांची शांत झोप न मिळणे, उशिरा झोपणे किंवा झोपेच्या वेळा निश्चित नसणे यामुळे सकाळी उठल्यावर डोके जड वाटू शकते. तुमच्या झोपेच्या वेळा सुधारा आणि शरीराला विश्रांती द्या. रात्रभर शरीर ५ ते ८ तास पाण्याशिवाय असते. त्यामुळे सकाळी उठल्यावर सौम्य डिहायड्रेशन होऊन डोके दुखू शकते. सकाळी उठल्यावर सर्वप्रथम १ ते २ ग्लास कोमट पाणी पिण्याची सवय लावा. रात्री झोपताना सतत विचार करणे किंवा तीव्र मानसिक ताण यामुळे डोक्याच्या आणि मानेच्या स्नायूंमध्ये ताण निर्माण होतो. यामुळे सकाळी उठल्यावर डोके दुखण्याची शक्यता असते. झोपण्यापूर्वी मेडिटेशन किंवा ध्यान करणे फायदेशीर ठरते. जर तुम्हाला रात्री घोरण्याची सवय असेल किंवा झोपेत श्वास अडकत असेल, तर शरीराला पुरेशा प्रमाणात ऑक्सिजन मिळत नाही. परिणामी सकाळी उठल्यावर तीव्र डोकेदुखी होऊ शकते. रात्रीच्या वेळी नाकात कफ साचल्यास किंवा सायनसचे इन्फेक्शन असल्यास सकाळी कपाळावर आणि गालांवर दाब जाणवून डोके दुखते. अशा वेळी डॉक्टरांचा सल्ला घेऊन योग्य उपचार घ्या. जर तुम्हाला जास्त प्रमाणात चहा किंवा कॉफी पिण्याची सवय असेल, तर शरीराला कॅफिनची सवय होते. सकाळी वेळेवर चहा किंवा कॉफी न मिळाल्यास 'कॅफिन विड्रॉअल'मुळे डोके दुखू लागते. येथे दिलेली माहिती सामान्य ज्ञानावर आधारित आहे. त्रास जास्त असल्यास किंवा सतत होत असल्यास कृपया तज्ज्ञ डॉक्टरांचा सल्ला घ्या. (हेही पाहा : दही सकाळी खावे की रात्री? जाणून घ्या काय सांगतात आरोग्य तज्ज्ञ!)