Photos: 'समर्थ' चित्रपटातील अभिनेत्री ईशा केसकरच्या नव्या फोटोशूटची इन्स्टाग्रामवर चर्चा

ईशा केसकर (Isha Keskar) ही मराठी मनोरंजन विश्वातील एक अत्यंत लोकप्रिय, अभ्यासू आणि ग्लॅमरस अभिनेत्री म्हणून ओळखली जाते. उत्कृष्ट अभिनय आणि सहज व्यक्तिमत्त्वाच्या जोरावर ईशाने मालिका, चित्रपट आणि नाटकांच्या माध्यमातून प्रेक्षकांच्या मनात स्वतःचे एक हक्काचे स्थान निर्माण केले आहे. काही दिवसांपूर्वीच प्रदर्शित झालेल्या 'समर्थ' या बहुचर्चित मराठी चित्रपटातील ईशाच्या अभिनयाचे कौतुक सर्वत्र झाले. 'समर्थ' चित्रपटात ईशाने 'सुमा' ही अत्यंत महत्त्वाची भूमिका साकारली असून, तिच्या या व्यक्तिरेखेला प्रेक्षकांचा भरभरून प्रतिसाद मिळाला. सोशल मीडियावर नेहमी सक्रिय असणाऱ्या ईशाने नुकतेच एक खास फोटोशूट केले असून, सध्या तिच्या या लूकची इन्स्टाग्रामवर चांगलीच चर्चा रंगली आहे. या नवीन फोटोशूटमध्ये ईशाने तपकिरी रंगाचा डिझायनर प्रिंटेड कुर्ता परिधान केला असून, तिचा हा पारंपरिक अंदाज खूपच उठून दिसत आहे. मोकळे सोडलेले केस, हलका आणि नॅचरल मेकअप आणि तिच्या चेहऱ्यावरील हास्य यामुळे तिच्या या फोटोशूटमधील प्रत्येक फोटो लक्षवेधी ठरत आहे. (सर्व फोटो सौजन्य : ईशा केसकर/इन्स्टाग्राम) (हेही पाहा : 'लक्ष्मी निवास' मालिकेतील कल्याणी जाधवच्या बोल्ड फोटोंनी वेधले चाहत्यांचे लक्ष)