Photos: नारिंगी साडी अन् नाकात पारंपरिक नथ; तन्वी कोलतेचा मराठामोळा लूक चर्चेत

तन्वी कोलते ही मराठी मनोरंजन विश्वातील एक अत्यंत लोकप्रिय अभिनेत्री, मॉडेल आणि सोशल मीडिया इन्फ्लुएन्सर म्हणून ओळखली जाते. ‘बिग बॉस मराठी ६’ या गाजलेल्या रिॲलिटी शोमध्ये सहभागी होऊन तन्वीने आपल्या उत्तम खेळाच्या जोरावर प्रेक्षकांची मने जिंकली. नुकतेच मेकअप आर्टिस्ट खुशबू गिरी यांनी इन्स्टाग्रामवर तन्वी कोलतेचे काही सुंदर फोटो शेअर केले आहेत. या शेअर केलेल्या फोटोंमध्ये तन्वीचा पारंपरिक आणि अत्यंत राजेशाही अंदाज पाहायला मिळत आहे. तिने नेसलेली नारिंगी रंगाची भरजरी किनार असलेली साडी तिच्या सौंदर्याला अधिकच खुलवत आहे. या पारंपरिक लूकवर तिने घातलेली सुंदर नथ, बांगड्या आणि हातातील मोठी अंगठी तिचा लूक परिपूर्ण करीत आहे. तन्वीचा हा नवा पारंपरिक अवतार आणि तिचे हे फोटो सध्या सोशल मीडियावर तिच्या चाहत्यांच्या पसंतीस उतरत असून, तुफान व्हायरल होत आहेत. (सर्व फोटो सौजन्य:तन्वी कोलते/इन्स्टाग्राम) (हेही पहा: हृतिक रोशन आणि सबा आझादच्या प्रेमाला ५ वर्षे पूर्ण; रोमँटिक फोटोंसह शेअर केली सुंदर पोस्ट!)