घरच्या घरी तुपाची शुद्धता तपासण्याच्या ५ सोप्या पद्धती

Ghee Purity Test At Home: थोडेसे तूप हाताच्या तळहातावर ठेवा. तूप शुद्ध आणि अस्सल असेल, तर शरीराच्या नैसर्गिक उष्णतेमुळे ते लगेच काही सेकंदांत वितळेल. जर तूप वितळायला वेळ लागत असेल किंवा घट्टच राहत असेल, तर त्यात डालडा (वनस्पती तूप) किंवा मेणाची भेसळ असण्याची शक्यता असते. एका लहान भांड्यात किंवा चमच्यात १ चमचा तूप घ्या आणि गॅसवर मंद आचेवर गरम करा. शुद्ध तूप लगेच वितळते आणि त्याचा रंग गडद तपकिरी होतो. जर तूप वितळायला जास्त वेळ लागत असेल आणि त्याचा रंग पिवळसर किंवा पांढराच राहत असेल, तर ते तूप भेसळयुक्त असू शकते. थोडे तूप दोन्ही हातांवर चोळा आणि काही मिनिटांनंतर त्याचा वास घ्या. शुद्ध तुपाचा मंद, छान सुगंध बराच वेळ टिकून राहतो आणि त्याचा पोत रवाळ जाणवतो. याउलट भेसळयुक्त तूप हातावर चोळल्यास केवळ तेलकटपणा राहतो, पण सुगंध लगेच निघून जातो. एका काचेच्या बाटलीत थोडे वितळलेले तूप आणि नारळाचे तेल समप्रमाणात एकत्र करा. ही बाटली काही वेळ फ्रिजमध्ये ठेवा. तूप आणि नारळाचे तेल वेगवेगळ्या तापमानाला गोठतात. त्यामुळे फ्रिजमध्ये ठेवल्यानंतर जर दोन वेगळे थर दिसले, तर तुपात भेसळ आहे. जर संपूर्ण मिश्रण एकसारखेच घट्ट झाले, तर तूप १००% शुद्ध आहे. (हेही पाहा : भोपळ्याच्या बियांचे अतिसेवन ठरतेय घातक? जाणून घ्या 'हे' ८ मोठे तोटे!)