-
महिला आरक्षण विधेयक लोकसभेत नुकतंच पारित झालं आहे. यानंतर शिंदे गटाच्या खासदार भावना गवळींनी मंत्रिमंडळातही महिलांना आरक्षण असावं अशी भूमिका व्यक्त केली.
-
यावर शिवसेनेच्या ठाकरे गटाचे खासदार संजय राऊत यांनी मोठं विधान केलं. गुरुवारी (२१ सप्टेंबर) माध्यमांशी बोलताना ते नेमकं काय म्हणाले याचा हा आढावा…
-
मंत्रिमंडळातही महिलांना आरक्षण असावं ही भावना गवळींची भूमिका असू शकते – संजय राऊत
-
कर्तबगार महिला सरपंचपदापासून संसदेपर्यंत आपल्या कर्तबगारीवरच निवडून येत असतात – संजय राऊत
-
कर्तबगार महिलांना कोणत्याही राजकीय आरक्षणाची गरज भासत नाही हा आमचा अनुभव आहे – संजय राऊत
-
महिला आरक्षणाच्या मुद्द्यावर शिवसेनेच्या भूमिकेवर आम्ही स्पष्टीकरण दिलं आहे – संजय राऊत
-
महिलांसाठी सरसकट ३३ टक्के मतदारसंघ राखीव करण्यापेक्षा राजकीय पक्षांवर ३३ टक्के महिला निवडून आणण्याची जबाबदारी टाकावी, बंधन टाकावं अशी बाळासाहेब ठाकरेंची भूमिका होती – संजय राऊत
-
अमित शाह चेष्टेने असं म्हणाले की, उद्या वायनाड मतदारसंघ महिला आरक्षित झाल्यावर तुम्ही आमच्यावर आरोप कराल – संजय राऊत
-
मात्र, ते काहीही करू शकतात. त्यांच्या हातात निवडणूक आयोग आहे. ते वायनाड मतदारसंघ महिलांसाठी आरक्षित करू शकतात – संजय राऊत
-
अशाप्रकारे लोकसभा आणि राज्यसभा अशा दोन्ही सभागृहांमध्ये बसलेले पुरुष नेते पुन्हा निवडून येऊ नये यासाठी हे विधेयक घाईत आणलं आहे – संजय राऊत
-
असे अनेक नेते आहेत जे विरोधी पक्षात आहेत किंवा भाजपात असतील, त्यांना या विधेयकामुळे सभागृहात येणं कठीण होईल – संजय राऊत
-
असं असलं तरी आम्ही सर्वांनी महिलांचा सन्मान, महिलांना अधिकार म्हणून आम्ही या विधेयकाला पाठिंबा दिला आहे – संजय राऊत
