भूतान दौऱ्याहून परतल्यानंतर लगेचच पंतप्रधान मोदींनी घेतली लाल किल्ला स्फोटातील जखमींची भेट

सोमवारी सायंकाळी ६:५२ वाजता जुन्या दिल्लीतील लाल किल्ला मेट्रो स्थानकाच्या गेट क्र. १ बाहेर कार स्फोट झाला. या दुर्घटनेत १३ निष्पाप नागरिकांचा मृत्यू झाला, तर ३० हून अधिक जखमी झाले. स्फोटाच्या वेळी पंतप्रधान नरेंद्र मोदी भूतान दौऱ्यावर होते. देशाबाहेर असूनही त्यांनी तातडीने घटनेची दखल घेतली आणि आपल्या भाषणात दुर्घटनेबद्दल तीव्र शोक व्यक्त केला. पंतप्रधान मोदींनी रात्री उशिरापर्यंत केंद्रीय गृहमंत्री अमित शाह आणि वरिष्ठ तपास अधिकाऱ्यांशी संपर्क साधला. त्यांनी परिस्थितीचा सविस्तर आढावा घेतला आणि आवश्यक निर्देश दिले. दौऱ्यावरून परतल्यानंतर पंतप्रधान मोदींनी तातडीने दिल्लीतील LNJP (लोकनायक जयप्रकाश नारायण) हॉस्पिटलला भेट दिली. त्यांनी जखमी नागरिकांची भेट घेऊन त्यांची विचारपूस केली. (फोटो सौजन्य : नरेंद्र मोदी/ एक्स) हॉस्पिटल भेटीनंतर पंतप्रधान मोदींनी "Went to LNJP Hospital and met those injured... Praying for everyone’s quick recovery," अशा शब्दांत जखमींना भावनिक आधार दिला. (फोटो सौजन्य : नरेंद्र मोदी/ एक्स) या हल्ल्यामागे असलेल्यांना सोडणार नाही, असा स्पष्ट इशारा पंतप्रधानांनी दिला. त्यांनी ठामपणे सांगितले की, "Those behind the conspiracy will be brought to justice!" (फोटो सौजन्य : नरेंद्र मोदी/ एक्स) पंतप्रधानांनी तपास यंत्रणांना या स्फोटाच्या कटाच्या मुळापर्यंत जाऊन सखोल तपास करण्याचे निर्देश दिले. राष्ट्रीय सुरक्षेच्या दृष्टीने त्यांनी या प्रकरणाला गांभीर्याने घेतले आहे. (फोटो सौजन्य : नरेंद्र मोदी/ एक्स)