इन्फ्लुएन्सर प्रथमेश कदमचं निधन; तन्मय पाटेकर फोटो शेअर करत म्हणाला, 'देवाघरी स्वतःची काळजी...'

आपल्या खास शैलीतील डायलॉग्स आणि रिल्सच्या जोरावर तरुणाईच्या गळ्यातील ताईत बनलेला प्रसिद्ध मराठी सोशल मीडिया इन्फ्लुएन्सर प्रथमेश कदमचे (Prathamesh Kadam) अकाली निधन झाले आहे. गेल्या काही दिवसांपासून तो आजारपणाशी झुंज देत होता, अशी प्राथमिक माहिती समोर आली आहे. प्रथमेशच्या निधनामुळे सोशल मीडिया विश्वात मोठी पोकळी निर्माण झाली असून, त्याचे सहकारी आणि चाहते हळहळ व्यक्त करत आहेत. त्याचा जवळचा मित्र आणि इन्फ्लुएन्सर तन्मय पाटेकरने सोशल मीडियावर काही फोटो शेअर करत आपल्या भावना व्यक्त केल्या. तन्मयने म्हटले की, "तू सदैव आठवणीत राहशील प्रथमेश, देवाघरी स्वतःची काळजी घे रे! तुझी खूप आठवण येईल. मिस यू भाई!" प्रथमेश हा केवळ एक रील स्टार नव्हता, तर आपल्या कुटुंबाचा मुख्य आधार होता. काही वर्षांपूर्वीच त्याच्या वडिलांचे निधन झाले होते, त्यानंतर संपूर्ण घराची जबाबदारी त्याच्या खांद्यावर होती. अत्यंत कष्टाने त्याने सोशल मीडियाच्या माध्यमातून स्वतःची ओळख निर्माण केली होती. प्रथमेशच्या प्रत्येक व्हिडिओला हजारो लाईक्स आणि कमेंट्स मिळायच्या. त्याच्या निधनाची बातमी समजताच इंस्टाग्राम आणि इतर सोशल मीडिया प्लॅटफॉर्मवर चाहत्यांनी त्याला श्रद्धांजली वाहिली आहे. (सर्व फोटो सौजन्य : प्रथमेश कदम व तन्मय पाटेकर/इन्स्टाग्राम)