Ajit Pawar Family Photos: अजित पवारांच्या काही सुखद आठवणी, हे फोटो पाहून तुमच्याही डोळ्यांत येईल पाणी

राज्याचे उपमुख्यमंत्री तथा वित्त व नियोजन मंत्री अजित पवार (Ajit Pawar) यांचे आज, २८ जानेवारी रोजी बारामती येथे झालेल्या एका दुर्दैवी विमान अपघातात निधन झाले. या घटनेमुळे संपूर्ण महाराष्ट्रावर शोककळा पसरली आहे. त्यांच्या अंत्यदर्शनासाठी बारामतीत मेडिकल कॉलेजबाहेर समर्थकांची गर्दी उसळली आहे. तर, संपूर्ण पवार कुटुंबही बारामतीत दाखल झाले आहेत. उद्या, २९ जानेवारी रोजी सकाळी ११ वाजता शासकीय इतमामात त्यांच्यावर अंत्यसंस्कार करण्यात येतील. राज्य सरकारने २८ ते ३० जानेवारी या कालावधीत तीन दिवसांचा शासकीय दुखवटा जाहीर केला आहे. दरम्यान, अजित पवारांचं पार्थिव आज सायंकाळी ४ वाजल्यापासून विद्याप्रतिष्ठान विद्यानगरी चौक येथील मैदानात अंत्यदर्शनाकरता रात्री उशिरापर्यंत नागरिकांसाठी ठेवण्यात येणार आहे. उद्या (२९ जानेवारी) सकाळी ९ वाजता गदिमा सभागृहापासून अंत्ययात्रा निघेल. गदिमा चौक, विद्यानगरी चौक, विद्याप्रतिष्ठानचा अंतर्गत रस्ता, मराठी शाळेच्या गेटने विद्याप्रतिष्ठानच्या मैदानावर जाईल. सकाळी ११ वाजता विद्याप्रतिष्ठानच्या मैदानावर अंत्यसंस्कार होईल.