-
पंतप्रधान नरेंद्र मोदी आणि इंडोनेशियाचे राष्ट्रपती प्रबोवो सुबियांतो यांनी योग्याकार्ता येथील प्रम्बानन मंदिराच्या जीर्णोद्धार प्रकल्पाचे संयुक्तपणे उदघाटन केले.
-
या ऐतिहासिक सोहळ्यामुळे दक्षिण-पूर्व आशियातील सर्वांत भव्य हिंदू मंदिर संकुलाकडे जगाचे लक्ष पुन्हा एकदा वेधले गेले आहे.
-
हे मंदिर केवळ धार्मिक श्रद्धेचे केंद्र नसून, भारत आणि इंडोनेशिया यांच्यातील हजारो वर्षे जुन्या सांस्कृतिक संबंधांचे प्रतीक आहे.
-
आज इंडोनेशिया हा मुस्लिमबहुल देश असला तरी प्रम्बानन मंदिर तिथल्या समृद्ध हिंदू भूतकाळाची साक्ष देते.
-
मध्य जावा प्रांतात असलेल्या या मंदिराची निर्मिती नवव्या शतकात संजया घराण्याच्या राजवटीत झाली होती.
-
भारतीय उपखंडातून पोहोचलेला हिंदू धर्म येथील स्थानिक जावानीज संस्कृतीने आत्मसात केल्याचे हे मंदिर उत्तम उदाहरण आहे.
-
प्रम्बानन हे इंडोनेशियातील सर्वांत मोठे हिंदू मंदिर संकुल असून, याच्या केंद्रस्थानी भगवान शिव, विष्णू व ब्रह्मा यांची मुख्य मंदिरे आहेत.
-
येथील सुमारे ४७ मीटर उंच असलेले भगवान शिवाचे मंदिर हे इंडोनेशियातील सर्वांत मोठे शिव मंदिर मानले जाते.
-
या मंदिराच्या भिंतींवर रामायणातील विविध प्रसंगांची सुंदर शिल्पे जावानीज परंपरेनुसार कोरण्यात आली आहेत.
-
या मंदिराची उत्कृष्ट वास्तुकला आणि ऐतिहासिक महत्त्व लक्षात घेऊन युनेस्कोने १९९१ मध्ये याला जागतिक वारसास्थळाचा दर्जा दिला.
-
मंदिर परिसराजवळील खुल्या रंगमंचावर नियमितपणे होणारे रामायण नृत्यनाटिका सादरीकरण जगभरातील पर्यटकांचे मुख्य आकर्षण आहे.
-
दोन्ही देशांच्या प्रमुखांनी उदघाटन केलेला हा प्रकल्प भारत आणि इंडोनेशियाच्या सामायिक संस्कृतीचे अमूल्य प्रतीक बनला आहे. (सर्व फोटो सौजन्य :PTI)
तुकाराम मुंढेंचं वक्तव्य; “माझी बदली झाली की मुलगा दोन प्रश्न विचारतो”
