Mukesh Ambani Nita Ambani: मुकेश अंबानी आणि नीता अंबानी हे देशातील सर्वात श्रीमंत जोडपं आहे. रिलायन्स इंडस्ट्रीजला मुकेश अंबानी यांनी जी उंची गाठून दिली आहे, ते करून दाखवणं प्रत्येकालाच शक्य नाही.

मुकेश अंबानी यांच्या व्यापारकौशल्याची चर्चा संपूर्ण जगभरात कायमच होत असते. अंबानी परिवार आपल्या अवाढव्य साम्राज्यासाठी आणि श्रीमंतीसाठी तर ओळखला जातोच पण त्याचसोबत त्यांच्या उच्च दर्जाच्या लाइफस्टाइलचीही चर्चा असते.

मुकेश अंबानी यांनी अथक परिश्रम करून हे साम्राज्य उभारलं आहे. सध्या ते आपल्या २७ मजली अँटिलिया बंगल्यात राहतात. जाणून घेऊया मुकेश अंबानींच्या या बंगल्यात केर-वारा, साफसफाई करणाऱ्या कर्मचाऱ्याला किती पगार मिळतो याबद्दल...

मुकेश आणि नीता अंबानी यांच्या लाइफस्टाइलबाबत अनेक चर्चा सोशल मीडियावर रंगताना दिसतात. त्यांच्या अँटिलिया बंगल्यात काम करणाऱ्या नोकरांबद्दलही खूप चर्चा असतात.

लाइव्हमिरर डॉट कॉमच्या माहितीनुसार, मुकेश अंबानी यांच्या घरात एकूण ६०० कर्मचारी काम करतात. त्यातील काही कर्मचारी २४ तास अँटिलियामध्येच हजर असतात.

२७ मजली अँटिलियामध्ये नोकर म्हणून काम मिळवणंदेखील सोपं नाही. विविध प्रकारच्या परिक्षा दिल्यानंतर योजनाबद्ध प्रक्रियेतूनच नोकरांची निवड करण्याची या घरातील पद्धत आहे.

एका मीडिया रिपोर्टनुसार, सुरूवातीच्या काळात मुकेश अंबानी यांच्या घरात काम करणाऱ्या नोकरांना ६ हजार रूपये महिना अशी सुरूवात दिली जात होती. त्यानंतर काम पाहून हा आकडा वाढवला जायचा, पण आता मात्र या आकड्यात भरपूर वाढ करण्यात आली आहे.

लाईव्हमिररने दिलेल्या वृत्तानुसार, मुकेश अंबानी यांच्या घरी काम करणाऱ्या नोकरदार वर्गाचा पगार हा सध्या लाखांच्या घरात आहे.

अशात अनेक मीडिया रिपोर्ट्सच्या माहितीच्या आधारे सांगायचं झालं तर अँटिलियामध्ये केर-वारा, साफसफाई करण्यासाठी असलेल्या नोकराला तब्बल २ लाख रूपये प्रति महिना पगार दिला जातो. यात वैद्यकीय आणि शैक्षणिक सुविधांचाही समावेश असतो.

सर्व फोटो- सोशल मीडिया