Aahna Gautam: आयआयटी मुंबईच्या विद्यार्थिनीने उभारली १०० कोटी रुपयांची कंपनी; जाणून घ्या कोण आहेत आहाना गौतम?

आहाना गौतम या आयआयटी मुंबई आणि हार्वर्ड विद्यापीठाच्या पदवीधर आहेत. आहना यांनी आयआयटी मुंबईमधून केमिकल इंजिनिअरिंगची पदवी घेतली आहे आणि हार्वर्ड बिझनेस स्कूलमधून एमबीए पूर्ण केले आहे. आहाना यांनी शिक्षणानंतर सुरक्षित कॉर्पोरेट नोकरीत न अडकता आपली स्वप्ने निवडली. अवघ्या ३० व्या वर्षी त्यांनी स्वतःची कंपनी सुरू करण्यासाठी मोठ्या पगाराची नोकरी सोडली. नोकरीचा राजीनामा दिल्यानंतर आहाना यांनी ‘ओपन सिक्रेट’ या आरोग्यदायी स्नॅक्स ब्रँडची स्थापना केली, जो आता सुमारे १०० कोटी रुपयांचा महसूल मिळवतो. राजस्थानमधील एका छोट्या शहरात जन्मलेल्या आहाना यांना या प्रवासात अनेक आव्हानांचा सामना करावा लागला. ‘ओपन सिक्रेट’ची कल्पना त्यांना हार्वर्ड विद्यापीठात एमबीएचे शिक्षण घेत असताना सुचली. त्यांना पारंपरिक भारतीय स्नॅक्स अधिक आरोग्यदायी बनवायचे होते. सध्या आहाना गोदरेज टायसन फूड्स लिमिटेडमध्ये स्वतंत्र संचालक म्हणून कार्यरत आहेत. ‘ओपन सिक्रेट’ सुरू करण्याची प्रेरणा त्यांना त्यांच्या वजनवाढीच्या वैयक्तिक अनुभवातून आणि आरोग्यदायी आहाराच्या महत्त्वाच्या जाणिवेतून मिळाली. आपला व्यवसाय सुरू करण्यापूर्वी आहाना यांनी पी अँड जी, जनरल मिल्स आणि फॉक्स स्टार स्टुडिओसारख्या मोठ्या कंपन्यांमध्ये काम केले होते. २०१९ मध्ये, आपल्या आईच्या खंबीर पाठिंब्याने त्यांनी ‘ओपन सिक्रेट’ची सुरुवात केली. आज त्यांचा प्रवास तरुण उद्योजकांना जोखीम पत्करून अर्थपूर्ण व्यवसाय उभारण्याची प्रेरणा देतो. आईने दिलेल्या सुरुवातीच्या भांडवलाच्या मदतीने, अहाना यांनी २०१९ मध्ये 'ओपन सिक्रेट'ची स्थापना केली. त्यावेळी आहाना ३० वर्षांच्या होत्या. (All Photos: Ahana Gautam/Instagram)