-
जेव्हा आर्थिक संकट येते, तेव्हा गुंतवणूकदार सुरक्षित गुंतवणूक म्हणून सोन्याला प्राधान्य देतात. बाबा वेंगांच्या दाव्यानुसार, या संकटामुळे सोन्याच्या किमतीत २५ ते ४० टक्क्यांची प्रचंड वाढ होऊ शकते, ज्यामुळे १० ग्रॅम सोन्याचा दर १.९ लाख ते २.१ लाख रुपयांपर्यंत पोहोचण्याची शक्यता आहे.
-
सध्या जागतिक बाजारात इराण युद्ध आणि मध्य-पूर्वेतील तणावामुळे सोन्याच्या किमतींनी आधीच उच्चांक गाठला आहे. गेल्या एका वर्षात किमती ८० टक्क्यांहून अधिक वाढल्या आहेत. युद्ध लांबल्यास बाबा वेंगांची भविष्यवाणी खरी ठरण्यास हे प्रमुख कारण ठरू शकते.
-
जेव्हा जगात युद्धजन्य परिस्थिती निर्माण होते, तेव्हा शेअर बाजार कोसळतो आणि चलनाचे मूल्य कमी होते. अशा काळात सोन्याला ‘सेफ हेवन’ मानले जाते. गुंतवणूकदार मोठ्या प्रमाणावर सोने खरेदी करतात, ज्यामुळे मागणी वाढून किमतीत नैसर्गिकरीत्या वाढ होते.
-
भारतात सोने केवळ दागिने नसून आपत्कालीन परिस्थितीत आधार मानला जातो. जर सोन्याचा भाव खरोखर २ लाख रुपयांच्या पार गेला, तर सामान्य मध्यमवर्गीय कुटुंबासाठी सोने खरेदी करणे केवळ एक स्वप्न उरेल.
-
भारतातील एकूण सोन्याच्या खपापैकी सर्वाधिक वाटा दक्षिण भारतातील राज्यांचा आहे. तेथील संस्कृतीत सोन्याचे अनन्यसाधारण महत्त्व आहे. किमतीतील या अफाट वाढीमुळे दक्षिण भारतीय बाजारपेठेला आणि तेथील परंपरेला मोठा आर्थिक तडाखा बसू शकतो.
-
कमोडिटी तज्ज्ञांच्या मते, सोन्याच्या किमती केवळ भविष्यवाण्यांवर ठरत नाहीत. अमेरिकन फेडरल रिझर्व्हचे निर्णय, रुपयाचे अवमूल्यन आणि वाढती महागाई या तांत्रिक गोष्टी सोन्याच्या भावावर परिणाम करतात. त्यामुळे केवळ अफवांवर विश्वास न ठेवण्याचे आवाहन तज्ज्ञ करत आहेत.
-
बाबा वेंगांनी बँकिंग व्यवस्था कोसळण्याचे संकेत दिले आहेत. जर बँकांवरील लोकांचा विश्वास कमी झाला, तर लोक आपली संपत्ती सुरक्षित ठेवण्यासाठी सोन्याचे नाणी किंवा बिस्कीट खरेदी करण्यास प्राधान्य देतील. हाच कल सोन्याचे मूल्य अवाढव्य वाढवण्यास कारणीभूत ठरू शकतो.
-
युद्धामुळे केवळ इंधनच नाही, तर मौल्यवान धातूंच्या पुरवठा साखळीवरही परिणाम झाला आहे. कच्च्या मालाची कमतरता आणि वाहतुकीचे वाढलेले दर यामुळे सोन्याच्या निर्मिती खर्चात वाढ होत आहे, ज्याचा अंतिम भार ग्राहकांच्या खिशावर पडत आहे.
-
सोन्यामध्ये गुंतवणूक करताना घाई न करता बाजारपेठेचे निरीक्षण करणे आवश्यक आहे. तज्ज्ञांच्या मते, टप्प्याटप्प्याने सोने खरेदी करणे फायदेशीर ठरू शकते, जेणेकरून किमतीतील चढ-उताराचा फायदा घेता येईल आणि आर्थिक जोखीम कमी होईल.
Trump Anti India Post: “भारत-चीन ही तर नरकाची द्वारं”, डोनाल्ड ट्रम्प यांची आता जन्मसिद्ध नागरिकत्वावरून आगपाखड
