-
भारत आणि ऑस्ट्रेलिया यांच्यातील ५ सामन्यांच्या कसोटी बॉर्डर गावस्कर ट्रॉफीतील पहिला सामना पर्थ येथे खेळला गेला. ज्यामध्ये भारतीय संघाने विजय मिळवत मालिकेत १-० अशी आघाडी घेतली.
-
या मालिकेतील दुसरा सामना अॅडलेड येथे खेळला जाणार आहे. तत्पूर्वी भारत आणि प्राईम मिनिस्टर इलेव्हन यांच्यातील दोन दिवसीय सराव सामन्याच्याआधी दोन दिवसांपूर्वी ऑस्ट्रेलियाचे पंतप्रधान अँथनी अल्बानीज यानी भारतीय संघाची भेट घेतली.
-
यादरम्यान ऑस्ट्रेलियाच्या पंतप्रधानांनी दोन्ही संघांबरोबर फोटो काढला आणि टीम इंडियाबरोबर सेल्फीही काढला. तर भारताचा कर्णधार रोहित शर्माने कॅनबेरा येथील संसदेत भाषणही केले.
-
ऑस्ट्रेलियाच्या पंतप्रधानांनी या भेटीदरम्यान संघाच्या प्रत्येक खेळाडूची भेट घेत त्यांच्याशी गप्पा मारल्या. यादरम्यान रोहित शर्माने आधी उपकर्णधार जसप्रीत बुमराहची ओळख करून दिली.
-
बुमराहच्या कामगिरीचे खुद्द पंतप्रधानांनीही कौतुक करत त्याला स्टार म्हणाले. यानंतर बुमराहच्या बाजूला विराट उभा होता. त्यानंतर रोहितने विराटचं नाव सांगितलं पण त्याआधीच पंतप्रधानांनी हॅलो म्हणत विराटशी बोलणं सुरू केलं.
-
ऑस्ट्रेलियाच्या पंतप्रधानांनी या भेटीदरम्यान कोहलीला म्हटलं की, “पर्थमधील तुझी कामगिरी खूप शानदार होती. तू अशावेळी एक चांगली खेळी केलीस जेव्हा आम्ही आधीच बॅकफूटवर होतो
-
यावर विराट कोहली म्हणाला, थोडं अजून मसालेदार केलं.” यावर पंतप्रधान म्हणाले, “हो तुम्ही भारतीय आहात. ऑस्ट्रेलियाच्या पंतप्रधानांनी या भेटीचे काही फोटो त्यांच्या सोशल मीडियावर शेअर केले आहेत.
-
या फोटोच्या कॅप्शनमध्ये त्यांनी म्हटलं की, या आठवड्यात मनुका ओव्हल मैदानावर शानदार भारतीय संघाचं प्राईम मिनिस्टर इलेव्हन संघासमोर मोठे आव्हान आहे.
-
पण मी पंतप्रधान नरेंद्र मोदींना सांगितल्याप्रमाणे ऑसी संघाला हा सामना जिंकण्यासाठी पाठिंबा देणार आहे. (Photo Source – BCCI/ albomp insta)
‘वादळवाट’ फेम अभिनेत्री आहे आमदार उदय सामंत यांची पत्नी; राजकारणाबद्दल म्हणाली, “बायको म्हणून जो खंबीर आधार…”
