टी-२० वर्ल्डकपमध्ये शतक झळकावणारा एकमेव भारतीय फलंदाज कोण? ९९ टक्के लोकांना माहीत नसेल

येत्या काही दिवसात आयसीसी टी-२० वर्ल्डकप २०२६ स्पर्धेला सुरूवात होणार आहे. भारतीय संघ गतविजेता म्हणून मैदानात उतरणार आहे. या स्पर्धेतही विक्रमांचा पाऊस पाहायला मिळू शकतो. (फोटो- इंडियन एक्सप्रेस) भारतीय फलंदाजांनी आतापर्यंत टी-२० क्रिकेटमध्ये अनेक शतकं झळकावली आहेत. पण टी-२० वर्ल्डकपमध्ये असा एकच फलंदाज आहे, जो भारतासाठी शतक झळकावू शकला आहे. (फोटो- इंडियन एक्सप्रेस) हा फलंदाज दुसरा तिसरा कोणी नसून डावखुऱ्या हाताचा स्फोटक फलंदाज सुरेश रैना आहे. (फोटो- इंडियन एक्सप्रेस) सुरेश रैनाने १ मे २०१० रोजी दक्षिण आफ्रिकेविरूद्ध खेळताना ही विक्रमी शतकी खेळी केली होती. त्यानंतर एकाही भारतीय फलंदाजाला या स्पर्धेत शतक झळकावता आलेलं नाही. (फोटो- इंडियन एक्सप्रेस) रैनाने ६० चेंडूत १०१ धावांचा स्फोटक खेळी केली होती. यादरम्यान त्याने ९ चौकार आणि ५ षटकार खेचले होते. (फोटो- इंडियन एक्सप्रेस) रैनानंतर विराट कोहली आणि रोहित शर्मासारखे दिग्गज फलंदाज शतक झळकावण्याच्या जवळ पोहोचले, पण ते शतक झळकावू शकलेले नाहीत. यावेळी हा विक्रम मोडला जाणार का? हे पाहणं महत्वाचं ठरणार आहे.(फोटो- इंडियन एक्सप्रेस)