Photos: कोल्हापूरची लेक परतली माहेरी! झहीर खानने पत्नी सागरिका आणि मुलासह घेतलं अंबाबाईचं दर्शन

माजी भारतीय क्रिकेटपटू झहीर खान आणि त्याची पत्नी, मराठी अभिनेत्री सागरिका घाटगे सध्या कोल्हापुरात कुटुंबासह वेळ घालवत आहेत. सागरिकाने नुकतेच काही खास फोटो सोशल मीडियावर शेअर केले आहेत. या पोस्टमध्ये झहीर खान, सागरिका घाटगे आणि त्यांचा मुलगा फतेहसिंह खान मंदिर दर्शन करताना दिसत आहेत. कौटुंबिक आणि अध्यात्मिक वातावरणाने चाहत्यांचे लक्ष वेधले आहे. सागरिकाने कॅप्शनमध्ये “Back in Kolhapur – where it all feels familiar and grounding” असे लिहित कोल्हापूरशी असलेले भावनिक नाते व्यक्त केले आहे. सागरिका घाटगे ही कोल्हापूरच्या राजघराण्याची लेक आहे. तिचे वडील विजयेंद्र घाटगे हे कागल राजघराण्यातील होते. या पोस्टनुसार, सागरिका आणि झहीर यांनी कागल येथील राम मंदिरात दर्शन घेतले. हे मंदिर अनेक पिढ्यांपासून त्यांच्या कुटुंबाशी जोडलेले असल्याचे तिने नमूद केले आहे. सागरिकाने कोल्हापूरमधील अंबाबाई मंदिर आणि हजरत गाइबी पीर दर्ग्यालाही भेट दिल्याचा उल्लेख कॅप्शनमध्ये केला असून, लहानपणापासून या ठिकाणांशी असलेली जवळीक तिने सांगितली आहे. फोटोंमध्ये सागरिका पारंपरिक साडीमध्ये दिसत असून तिचा साधा, सोज्वळ लूक चाहत्यांना विशेष भावला आहे. मंदिरातील शांत वातावरणात तिचा लूक अधिक खुलून दिसतो. झहीर खान पांढऱ्या पारंपरिक पेहरावात दिसत असून मुलगा फतेहसिंह खानला कुशीत घेऊन तो दर्शन घेताना दिसतो. हा क्षण अनेकांसाठी भावूक करणारा ठरला. सागरिकाने कॅप्शनमध्ये घर, बाग, मोकळी जागा आणि पाळीव कुत्र्यांसोबत घालवलेले क्षणही नमूद करत, कोल्हापुरात आल्यावर सगळं आपोआप पूर्ववत होतं, अशी भावना व्यक्त केली आहे. (सर्व फोटो सौजन्य: सागरिका घाटगे /इन्स्टाग्राम)