रुळावर येण्यासाठी मुंबापुरी सज्ज, मॉलचे सॅनिटायजेशन सुरु…

टाळेबंदी शिथिलीकरणाच्या तिसऱ्या टप्प्यात राज्य सरकारने ५ ऑगस्टपासून मॉल खुले करण्यास परवानगी दिली आहे. या पार्श्वभूमीवर गुरुवारी मुंबईतील लोअर परळ भागातील फिनिक्स मॉलचे संपूर्ण सॅनिटाइझेशन करण्यात आले. (सर्व फोटो - गणेश शिरसेकर)

मॉल सरु होण्या अगोदर मॉलमधील व मॉल बाहेरील परिसराची संपूर्ण स्वच्छता करण्यात आली.

करोना विषाणू संसर्ग रोखण्यासाठी घालून देण्यात आलेल्या नियमानुसार मॉलमध्ये उपाययोजना असणार आहेत.

मॉल सुरू होणार असल्याने तेथील दुकानदार, कर्मचारी यांनी सुटकेचा नि:श्वास सोडला आहे.

देशात १ सप्टेंबरपासून अनलॉक ४ लागू होणार असून, सध्या अनेक राज्यांमध्ये अशंतः साप्ताहिक स्वरुपात लॉकडाउन लागू केला जात आहे. देशात करोनाची रुग्णसंख्या वाढत असली, तरी अनलॉकच्या चौथ्या टप्प्यात अनेक गोष्टी सुरू करण्याची शक्यता आहे. (फोटो -लोकसत्ता)

ही आकर्षण स्थळे बंद असल्याने ग्राहक मॉलमध्ये फिरकतील की नाही, याबाबत मॉलचालकांना शंका आहे.

मॉलमधील सर्व दुकानांना दिवसभरात एकच शिफ्ट असणार आहे. तसेच केवळ ३० ते ४० टक्के कर्मचाऱ्यांसाठी परवानगी देण्यात आली आहे.

शॉपिंग सेंटर्स असोसिएशन ऑफ इंडियाने तयार केलेली सर्वसाधारण मार्गदर्शक कार्यप्रणाली सध्या इतर राज्यांत ५०० मॉल वापरत आहेत. त्याचाच वापर राज्यातील मॉलसाठी केला जाईल.

असोसिएशन आणि शासनाच्या नियमाबरोबरच गर्दीचे नियंत्रण सुकर होण्यासाठी अ‍ॅपद्वारा पूर्वनोंदणीची सुविधादेखील अनेक मॉलमध्ये दिली जाणार आहे.

संघटनेच्या आकडेवारीनुसार राज्यात सुमारे ७५ खरेदी संकुले, मॉल आहेत.

त्यापैकी सुमारे ५० टक्के हे मुंबई आणि महानगर परिसरात, तर पुणे परिसरात २० टक्क्यांपेक्षा अधिक आणि उर्वरित इतर मोठय़ा शहरात आहेत.

प्रत्येक मॉलमागे दुकानांतील कर्मचारी, सुरक्षा कर्मचारी, व्यवस्थापन, इतर सुविधा पुरवणारे कर्मचारी असे सुमारे तीन ते चार हजार कर्मचारी कार्यरत असतात.