पुणे: वाढत्या करोनाबाधितांच्या संख्येच्या पार्श्वभूमीवर शहरात ८०० बेडचे जम्बो कोविड केअर सेंटर उभारण्यात येत आहे. (सर्व छायाचित्रे - अरुल होरायझन)

शिवाजीनगर येथील सीओईपीच्या मैदानावर याची युद्धपातळीवर तयारी सुरु आहे.

यासाठी मोठ्या प्रमाणावर यंत्रणा काम करीत असून अनेक कामगार रात्रंदिवस झटत आहेत.

हे तात्पुरत्या स्वरुपातील जम्बो कोविड रुग्णालय असून एकाच वेळी ८०० रुग्णांवर येथे उपचार करता येणार आहेत.

या रुग्णालयाच्या उभारणीसाठी येथे मोठ्या प्रमाणावर यंत्रसामुग्री आणण्यात आली आहे.

सध्या पुणे शहरात सातत्याने पाऊस पडत असून यामुळे या कामात काही प्रमाणात अडथळे येत आहेत.

अशा प्रकारे आणखी दोन कोविड केअर सेंटर शहरात उभारण्यात येणार आहेत.

पुण्यातील मध्यवर्ती शिवाजीनगर भागात हे रुग्णालय उभारण्यात येत असल्याने ते विविध भागातील रुग्णांसाठी सोयीचं ठरणार आहे.