गणेशोत्सव एका दिवसावर येऊन ठेपलेला असताना, पुण्यातील अनेकांनी आपल्या लाडक्या बाप्पाला जयघोष करत घरी आणल्याचे दिसून आले. (सर्व फोटो - अरुल होराझन)

कोरना महामारीच्या संकटाच्या पार्श्वभूमीवर यंदा जरी गणेशोत्सव साजरा करण्यावर काहीसे निर्बंध आलेले असले, तरी गणेश भक्तांचा उत्साह मात्र तोच आहे.

गणरायाला घरी आणण्यासाठी बाहेर पडलेल्या पुणेकरांनी करोना संसर्ग टाळ्याच्या दृष्टीने तोंडाला मास्क बांधल्याचे दिसून आले.

पारंपारिक वेशात व गणरायाचा जयघोष करत गणरायाची सुंदर मुर्ती घरी नेताना प्रत्येकाच्या चेहऱ्यावर एक वेगळाच आनंद दिसत होता.

करोना महामारीमुळे सर्वच सण, उत्सवांवर मर्यादा आलेल्या आहेत. आता गणराया तूच या संकटातून सर्वांची सुटका कर अशीच मनोमन प्रार्थना प्रत्येकजण करत असणार.

गणेशोत्सव आणि विसर्जन मिरवणूकीला मोठी परंपरा आहे. परंतु यावर्षी करोनाची महामारी असल्यामुळे संसर्ग रोखण्यासाठी घरगुती स्वरुपात गणेशोत्सव साजरा करणे आवश्यक आहे.

गणरायाच्या स्वागतासाठी पुणेकरांनी शहरातील मंडई परिसरातील बाजारापेठेत विविध वस्तूंच्या खरेदीसाठी शुक्रवारी गर्दी केली होती.

या वेळी नागरिकांनी नियमांचे पालन करावे यासाठी पोलीस सूचना करत होते.

करोना संसर्गाच्या धाकधुकीतही कुठतरी नागरिकांना गणरायाच्या आगमानाची आस लागलेली होती.