पुणे : पुण्यातील गणेश विसर्जन मिरवणुकीदरम्यान ताज्या विषयांवर रांगोळीच्या माध्यमातून प्रबोधन करण्याचे काम राष्ट्रीय कला अकादमीच्या माध्यमातून दरवर्षी केले जाते. (सर्व छायाचित्रे - सागर कासार)

यंदा अकादमीने करोनाचा विषय हाती घेतला आहे.

अकादमीकडून विसर्जन मार्गावर रांगोळी काढण्याचे यंदाचे २२वे वर्ष आहे.

दरवर्षी विसर्जन मार्गावर अकादमीकडून आकर्षक प्रबोधनात्मक रांगोळ्या काढल्या जातात.

यंदा अकादमीने करोना विषाणू, कोविड योद्धे यांच्या कार्याला सलाम करणारे संदेश रांगोळींच्या माध्यमातून दिले आहेत.

'घरीच रहा सुरक्षित रहा', 'वंदीतो शौर्य तुमचे', 'मैत्री करावी हँडवॉशशी, भीती नसेल करोनाची', 'आरोग्याची कास धरु, करोनावर मात करु' आदी रांगोळीतून दिलेल्या संदेशांद्वारे अकादमीने नागरिकांमध्ये जनजागृती केली.

यंदा करोनामुळं विसर्जन मिरवणुकांवर बंदी असल्याने अकादमीकडून मानाच्या गणपतींच्या उत्सव मंडपांबाहेर रांगोळ्या काढण्यात आल्या.

राष्ट्रीय कला अकादमीच्या अनेक स्वयंसेवकांनी विसर्जनाच्या दिवशी सकाळपासूनच या कार्यात सहभाग घेतला होता.