-
गेल्या काही दिवसांत देशभरात थंडीचा कडाका चांगलाच वाढला आहे. बर्फाळ प्रदेशांमध्ये बर्फवृष्टीही होत आहे.
-
मात्र तरीही करोना प्रतिबंधक लसीकरण मोहीम नेटाने सुरू असल्याचं दिसून येत आहे.
-
प्रचंड थंडी, बर्फवृष्टी, बर्फाने भरलेल्या रस्त्यांमधून मार्ग काढत आरोग्य कर्मचारी अगदी छोट्या छोट्या खेड्यांमध्ये जाऊनही लसीकरण करत आहे.
-
बर्फवृष्टी दरम्यान, जम्मू काश्मीरच्या आरोग्य विभागाने शनिवारी बारामुल्लाच्या बोनियार येथे नियंत्रण रेषेजवळ असलेल्या अनेक गावांमध्ये लसीकरण मोहीम राबवली.
-
ब्लॉक मेडिकल ऑफिसर डॉ परवेझ मसूदी म्हणाले, “१५-१८ वयोगटातील मुले आणि बूस्टर डोससाठी पात्र असलेल्यांना लसमात्रा देण्यात आल्या.
-
भारतीय लष्कराने बारामुल्ला येथील बोनियार येथे नियंत्रण रेषेजवळील भागात लसीकरण मोहीम राबविणाऱ्या आरोग्य पथकांना मदत पुरवली.
-
आम्ही मोठ्या संख्येने लोकांना लसीकरण केले, जे केवळ लष्कराच्या पाठिंब्यामुळे शक्य झाले, असं ब्लॉक वैद्यकीय अधिकारी डॉ परवेझ मसूदी यांनी सांगितलं. (सर्व फोटो सौजन्य – ANI)
ऑफिसच्या दिवाळी पार्टीत ‘बन ठन चली बोलो’ गाण्यावर निळ्या साडीत तरुणीने केला जबरदस्त डान्स; VIDEO पाहून नेटकरी करतायत कौतुक
