Photos: मी सुनेत्रा अजित पवार...; बारामतीच्या 'वहिनी' झाल्या महाराष्ट्राच्या उपमुख्यमंत्री

Sunetra Pawar Oath Taking Ceremony: उपमुख्यमंत्री अजित पवार यांचे विमान दुर्घटनेत अकाली निधन झाले. त्यांच्या अपघाती निधनानंतर आता सुनेत्रा पवार यांनी उपमुख्यमंत्रिपदाची शपथ घेतली आहे. (सर्व फोटो - आकाश पाटील, इंडियन एक्सप्रेस) उपमुख्यमंत्रिपदाची शपथ घेण्यासाठी सुनेत्रा पवार मुंबईत दाखल झाल्या होत्या. आज (३१ जानेवारी) सायंकाळी ५ वाजता सुनेत्रा पवार यांनी लोकभवन येथे उपमुख्यमंत्रिपदाची शपथ घेतली. यावेळी राज्याचे मुख्यमंत्री देवेंद्र फडणवीस, उपमुख्यमंत्री एकनाथ शिंदे यांच्यासह राष्ट्रवादीचे दिग्गज नेते उपस्थित होते. सुनेत्रा पवारांची राष्ट्रवादी काँग्रेस (अजित पवार) पक्षाच्या विधिमंडळ पक्षनेतेपदी निवड करण्यात आली आहे. दिलीप वळसे पाटील यांनी राष्ट्रवादी काँग्रेस (अजित पवार) पक्षाच्या विधिमंडळ नेतेपदासाठी सुनेत्रा पवार यांच्या नावाचा प्रस्ताव मांडला. त्या प्रस्तावाला छगन भुजबळ यांनी अनुमोदन दिलं आणि त्यानंतर सुनेत्रा पवारांची राष्ट्रवादी काँग्रेस (अजित पवार) पक्षाच्या विधिमंडळ नेतेपदी एकमताने निवड करण्यात आली. त्यानंतर मुख्यमंत्री देवेंद्र फडणवीस यांच्याकडे गटनेता निवडीचे पत्र सादर करण्यात आले आहे. याबरोबरच सुनेत्रा पवार या महाराष्ट्राच्या राजकीय इतिहासातील पहिल्या महिला उपमुख्यमंत्री बनल्या आहेत.