गेल्या काही दिवसांपासून ज्ञानवापी मशिदीचा वाद चांगलाच चर्चेत आहे. (फोटो सौजन्य – इंडियन एक्सप्रेस)
दरम्यान, ‘ज्ञानवापी-शृंगार गौरी संकुलात सर्वेक्षणादरम्यान कथितरीत्या शिवलिंग सापडलेला भाग संरक्षित करण्याचे निर्देश सर्वोच्च न्यायालयाने मंगळवारी वाराणसीच्या जिल्हाधिकाऱ्यांना दिल़े या मशिदीत मुस्लीम कोणत्याही अडथळय़ाविना नमाज अदा करू शकतील, असेही न्यायालयाने स्पष्ट केलंय. (फोटो – ट्विटर)
परंतु वादात सापडलेली ज्ञानवापी मशिद हे पहिलं धार्मिक स्थळ नाही. भारतासह जगभरात काही धार्मिक स्थळांबद्दल अनेक वर्षांपासून वाद सुरू आहेत. यातल्याच काही धार्मिक स्थळांबद्दल जाणून घेऊयात..(फोटो- इंडियन एक्सप्रेसवरून साभार)
गेल्या काही वर्षांपासून ताजमहालबाबत काही हिंदू आणि मुस्लिम लोकांमध्ये मतभेद आहेत. सतराव्या शतकात मुघल सम्राट शाहजहानने आपल्या पत्नीवरील प्रेमाचं प्रतिक म्हणून ही कबर बांधली असे मुस्लिम मानतात, तर काही हिंदूंचा दावा आहे की ताजमहाल हे तेजोमहालय होते. (फोटो – इंडियन एक्सप्रेस)
कुतुबमिनार: ताजमहालाप्रमाणेच कुतुबमिनारबाबतही काही मतमतांतरे आहेत. १२व्या शतकात इल्तुत्मिशने बांधलेला बुरुज म्हणून ओळखला जात असला तरी, काही हिंदू मानतात की ते एकेकाळी हिंदू धर्माचे प्रसिद्ध विष्णू मंदिर होते. या मिनारावर हिंदू खगोलशास्त्रज्ञ वापरत असलेली प्रयोगशाळा असल्याचा दावाही करण्यात आला होता. (फोटो इंडियन एक्सप्रेस)
गिरनार मंदिर हे गुजरातमधील जुनागढ येथील जैन धर्माचे अतिशय लोकप्रिय मंदिर आहे. डोंगरावर वसलेले हे जैन मंदिर जैन धर्माचे प्रतीक आहे. तिर्थंकर नेमिनाथांना तेथे मोक्ष प्राप्त झाला असे त्या धर्माचे लोक मानतात. परंतु हिंदू धर्मातील काही लोकांचा असा विश्वास आहे की हे ठिकाण प्राचीन हिंदू श्रद्धेचे प्रतीक असून हे भगवान दत्तात्रेयांचं मंदिर असल्याचं म्हणतात. तसेच जैनांनी धर्माचा प्रसार करण्यासाठी तेथे बेकायदेशीरपणे मंदिर बांधले असल्याचे त्यांचे म्हणणे आहे. (फोटो फेसबूकवरून साभार)
तारिखानेह मंदिर-मशीद (इराण): इराणमधील दमघन येथे असलेले हे झोरोस्ट्रियन सूर्य मंदिर तेथील या अल्पसंख्याक समुदायाचे धार्मिक स्थळ होते. पण ८व्या शतकात पारशी राजा सस्सानिदची सत्ता पडल्यानंतर ती पाडून तिचे मशिदीत रूपांतर करण्यात आले आहे. त्यानुसार ही इराणची सर्वात जुनी मशीद मानली जाते. हे मंदिर परत मिळवण्यासाठी पारशी लोकांनी वेळोवेळी प्रयत्न केले, परंतु त्यांना यश आलं नाही. (फोटो – ट्विटरवरून साभार)
प्रल्हादपुरी मंदिर हे मंदिर पाकिस्तानातील मुलतान शहरात होते. हिरण्यकशिपूचा मुलगा भक्त प्रल्हाद याने नरसिंह अवताराच्या सन्मानार्थ हे बांधले होते असे म्हणतात. पण १९९२मध्ये जेव्हा भारतात बाबरी मशीद पाडली गेली, तेव्हा पाकिस्तानच्या लोकांनी हे प्राचीन हिंदू मंदिर नष्ट केले. (फोटो – ट्विटरवरून साभार)
जेरुसलेम हे इस्रायलमध्ये एक लहान शहर आहे. हे शहर एका नव्हे तर तीन धर्मांसाठी पवित्र मानलं जातं. ज्यूंचे धार्मिक स्थळ ‘जेरुसलेम’ याला अरबी भाषेत अल-कुदुस म्हणतात. ख्रिश्चनांचा मसिहा येशूचा जन्म येथे झाला, असं म्हटलं जातं. त्याच त्यांना अरबी भाषेत इस्लामचे पैगंबर देखील मानले जाते. त्यामुळे या तिन्ही धर्मांमध्ये त्या धार्मिक स्थळासाठी वाद सुरू आहे.
