-
‘King’s Time As Ruler Rises And Falls Like The Sun…’ ताडोबा-अंधारी व्याघ्रप्रकल्पाचा अनभिषिक्त् सम्राट ‘मटकासूर’ या वाघाला ‘द लायन किंग’ या चित्रपटातील ही ओळ तंतोतंत लागू होते. तो जेवढा धीट आहे, तेवढाच तो आक्रमकसुद्धा.
-
अनेक वर्षे त्याने या संपूर्ण जंगलावर आपली एकहाती सत्ता कायम ठेवली. एवढा त्याचा दरारा. त्याच्या अधिवासात घुसखोरी करण्याची हिम्मत कुण्या इतर वाघांमध्ये नव्हती.
-
‘माया’ या वाघिणीबरोबर त्याची जमलेली जोडी, त्या दोघांमधील प्रेम अनेक पर्यटकांनी अनुभवले.
-
‘मटकासूर’ पहिल्यांदा ताडोबात आढळला तो पाणवठ्याजवळ. तो ‘माया’ वाघिणीचा भाऊ असल्याच्या वावड्या तेव्हा उठल्या. तर कुणी त्याला ‘सुलतान’ हा वाघ आणि ‘तारा’ या वाघिणीचा मुलगा असल्याचे सांगितले.
-
ताडोबात जेव्हा तो अवतरला तेव्हा तो अतिशय आक्रमक आणि रुबाबदार होता.
-
२०१४ पासून त्याने ‘सॅटर्न’, ‘टायसन’ आणि ‘गब्बर’ या वाघांच्या हद्दीत सहज घुसखोरी केली. अगदी गनिमीकाव्याचा वापर करुन तयाने या तीन्ही वाघांच्या साम्राज्यात आपले अस्तित्त्व उमटवले.
-
‘माया’ या हुशार आणि युद्धतंत्रात पारंगत वाघिणीला आपली सहचारिणी बनवणे सोपे नव्हते, पण तिच्यासाठी इतर वाघांशी लढा देऊन त्याने तिला जिंकले.
-
तर ‘छोटी तारा’ हिलाही त्याने त्याच्या आयुष्यात स्थान दिले. मात्र, म्हणतात ना आपलेच अपत्य आपल्या साम्राज्याला धक्का लावतात.
-
‘मटकासूर’च्या बाबतीत नेमके हेच घडले. ‘छोटी तारा’ पासून झालेला बछडा, जो आता ‘छोटा मटका’ या नावाने ओळखला जातो, त्यानेच ‘मटकासूर’ला आव्हान दिले आणि वडिलांच्या साम्राज्याचा त्याने ताबा घेतला.
-
दरम्यान, ‘ताला’ आणि ‘रुद्र’ या दोन वाघांनीही त्याला आव्हान दिले. या लढाईत ‘मटकासूर’ जखमी झाला.
-
‘मटकासूर’ला सुरुवातीपासून पाहणाऱ्या पर्यटकांना त्याला या अवस्थेत पाहणे शक्यच नव्हते. अगदी अलीकडेच त्याच्या मृत्यूची वार्ताही पसरली, पण ती खोटी ठरताच पर्यटकांनी सुटकेचा श्वास सोडला.
-
सर्व छायाचित्रे – इंद्रजित मडावी (हेही पाहा :बफर क्षेत्रातील ‘ज्युनिअर मोगली’)
धावत्या बाईकवर पडला पत्रा, दुचाकीस्वाराचे क्षणात दोन तुकडे, Video पाहून उडेल थरकाप…
