मराठी भाषा गौरव दिन : २७ फेब्रुवारी रोजीच का साजरा केला जातो हा दिवस?

Marathi Bhasha Gaurav Din 2026: मराठी साहित्यातील लखलखते नक्षत्र आणि ज्ञानपीठ पुरस्कार विजेते ज्येष्ठ कवी वि. वा. शिरवाडकर उर्फ 'कुसुमाग्रज' यांचा जन्मदिन २७ फेब्रुवारी रोजी 'मराठी भाषा गौरव दिन' म्हणून उत्साहात साजरा केला जातो. मराठी भाषेचे संवर्धन, प्रसार आणि गौरव करणे हा या दिनाचा मुख्य उद्देश आहे. कुसुमाग्रजांनी मराठी भाषेला 'ज्ञानभाषा' म्हणून प्रतिष्ठा मिळवून देण्यासाठी आयुष्यभर मोलाचे योगदान दिले. त्यांच्या याच अतुलनीय कार्याप्रती कृतज्ञता व्यक्त करण्यासाठी महाराष्ट्र शासनाने २०१३ पासून त्यांचा जन्मदिवस 'मराठी भाषा गौरव दिन' म्हणून घोषित केला. राज्य शासनाने २०१३ पासून २७ फेब्रुवारी हा दिवस अधिकृतपणे 'मराठी भाषा गौरव दिन' म्हणून घोषित केला. तेव्हापासून हा दिवस शाळा, महाविद्यालये आणि शासकीय कार्यालयांत उत्साहाने साजरा होतो. विशेष म्हणजे, एखाद्या कवीच्या जयंतीला भाषा दिन साजरा करणारे महाराष्ट्र हे देशातील एकमेव राज्य आहे. या दिवशी राज्यभरात विविध सांस्कृतिक कार्यक्रमांच्या माध्यमातून कुसुमाग्रजांच्या स्मृतींना उजाळा दिला जातो. लोकसत्ताच्या सर्व वाचकांना मराठी भाषा गौरव दिनाच्या मनःपूर्वक शुभेच्छा.