Photos: नाशिक ते शिर्डीपर्यंत मालमत्ता; भोंदू बाबा खरातने जमवली २०० कोटींची संपत्ती

1/9

Ashok Kharat Case Updates: भोंदूगिरीच्या नावाखाली महिलांचे शारीरिक आणि लैंगिक शोषण करणाऱ्या विकृत अशोक खरातच्या पापाचा घडा आता भरला आहे.

2/9

पोलिसांनी त्याला अटक केली असून, तपासादरम्यान खरातच्या अफाट संपत्तीचा खुलासा झाला आहे.

3/9

समाजात वावरताना त्याने तब्बल २०० कोटी रुपयांची मालमत्ता जमवल्याचा प्राथमिक अंदाज वर्तवण्यात येत आहे.

4/9

मिळालेल्या माहितीनुसार, खरातने स्वतःसह पत्नी, मुलगी आणि जवळच्या नातेवाईकांच्या नावावर नाशिक, सिन्नर, शिर्डी आणि राहता परिसरात जमिनी व भूखंडांमध्ये मोठी गुंतवणूक केली आहे.

5/9

खरात कुटुंबाच्या नावावर तब्बल १५ भूखंड आहेत. यातील ५ भूखंड स्वतः अशोक खरातच्या नावावर असून उर्वरित पत्नी कल्पना आणि मुलगी तृप्तबाला यांच्या नावावर आहेत.

6/9

नाशिक महापालिका हद्दीतील विल्होळी, पाथर्डी, सिन्नर आणि आडगाव परिसरातही त्याचे मोक्याचे भूखंड आहेत.

7/9

शिर्डी, मिरगाव, कुंदेवाडी, निघोज आणि निमगाव कोऱ्हाळे या भागात शेतजमिनींची मोठी खरेदी करण्यात आली आहे.

8/9

खरातने केवळ स्वतःच्याच नाही, तर कार्यालयातील कर्मचारी आणि नातेवाईकांच्या नावावरही अनेक जागा घेतल्याचे समोर येत आहे.

9/9

एकट्या नगर जिल्ह्यात त्याची ५ एकर मोक्याची जमीन असल्याची माहिती उघड झाली आहे.