अमृता फडणवीस यांच्या ग्लोइंग स्किनचे ‘हे’ आहे गुपित; फेशियल थेरपीविषयी स्वतः केला खुलासा

झी २४ तास या वृत्तवाहिनीला दिलेल्या मुलाखतीत मुख्यमंत्री देवेंद्र फडणवीस यांच्या पत्नी अमृता फडणवीस यांनी आपल्या सौंदर्याचे गुपित उघड केले आहे. केवळ योगा आणि नियमित स्किन केअर रुटीनमुळेच चेहरा उजळतो असे नाही, तर त्यामागे इतरही काही महत्त्वाची कारणे असल्याचे त्यांनी स्पष्ट केले. सौंदर्यासोबतच मानसिक शांततेसाठी 'टेन्शन लेने का नही, देने का' हा मंत्र त्या फॉलो करतात, असे त्यांनी मिश्कीलपणे यावेळी सांगितले. आपल्या दैनंदिन जीवनात त्या एका विशिष्ट आणि फिक्स फूड रुटीनचे अतिशय शिस्तबद्ध पद्धतीने पालन करत असल्याचे त्यांनी नमूद केले. चेहऱ्यावर अधिक चांगला ग्लोइंग इफेक्ट मिळावा यासाठी काही फेशियल थेरपी घेतल्याची कबुलीही त्यांनी या मुलाखतीत दिली आहे. या सर्व फेशियल थेरपीचा आपल्याला सकारात्मक परिणाम मिळाला असून त्यामुळे त्वचेत बदल जाणवल्याचे त्यांनी आवर्जून सांगितले. या सौंदर्याच्या उपचारांचा निर्णय त्यांनी स्वतःसाठी स्वतःच घेतला होता. कोणी सांगितले म्हणून आपण या गोष्टी केल्या नसल्याचे त्यांनी स्पष्टपणे सांगितले. कोणी आग्रह केला असता तरी आपण ते केले नसते, असेही त्यांनी मिश्कीलपणे स्पष्ट केले. (सर्व फोटो सौजन्य: अमृता फडणवीस /इन्स्टाग्राम)