Photos: "जर तुमच्याकडे दोन रुपये असतील..."; डॉ. बाबासाहेब आंबेडकर यांचे अनमोल विचार

Dr. Babasaheb Ambedkar Jayanti 2026: १४ एप्रिल २०२६ रोजी भारतीय राज्यघटनेचे शिल्पकार आणि भारतरत्न डॉ. बाबासाहेब आंबेडकर यांची जयंती साजरी होत आहे. भारतीय समाजाला संवैधानिक हक्क आणि सामाजिक समता मिळवून देण्यासाठी त्यांनी आपले संपूर्ण आयुष्य समर्पित केले. केवळ एक राजकारणी किंवा कायदेतज्ज्ञ म्हणूनच नव्हे, तर एक थोर विचारवंत म्हणून त्यांचे विचार आजही कोट्यवधी लोकांसाठी दीपस्तंभासारखे कार्य करतात. डॉ. बाबासाहेब आंबेडकरांचे अनमोल विचार, "शिका! संघटित व्हा! आणि संघर्ष करा!" "नशिबावर विश्वास ठेवण्यापेक्षा स्वतःच्या कर्तृत्वावर आणि ताकदीवर विश्वास ठेवा." "मी असा धर्म मानतो जो स्वातंत्र्य, समता आणि बंधुभावाची शिकवण देतो." "हक्क मागून मिळत नसतात, त्यासाठी तुम्हाला प्रखर संघर्ष करावा लागतो." "माणूस धर्मासाठी नसून धर्म हा माणसासाठी आहे." "जर तुमच्याकडे दोन रुपये असतील तर एक रुपयाची भाकरी आणि एक रुपयाचे पुस्तक घ्या; कारण भाकरी तुम्हाला जगण्यास मदत करेल, तर पुस्तक तुम्हाला कसं जगायचं हे शिकवेल." "आयुष्य मोठे असण्यापेक्षा ते महान असणे अधिक महत्त्वाचे आहे." मोठ्या गोष्टींचे बेत करण्यापेक्षा, छोट्या गोष्टींनी कार्याचा आरंभ करणे अधिक श्रेयस्कर ठरते." "जर काम लवकर पूर्ण करायचे असेल, तर मुहूर्त पाहण्यात वेळ वाया घालवू नका." (हेही पाहा : डॉ. बाबासाहेब आंबेडकर यांच्या १३५ व्या जयंतीनिमित्त काढा 'या' आकर्षक व सोप्या रांगोळ्या!)