Photos: लग्न, कोकणातील घर..; इन्फ्लुएन्सर स्वानंदी सरदेसाईने शेअर केले विवाहसोहळ्यातील खास क्षण

प्रसिद्ध युट्यूबर, गायिका आणि सोशल मीडिया इन्फ्लुएन्सर स्वानंदी सरदेसाईने (Swanandi Sardesai) अक्षय्य तृतीयेच्या (Akshaya Tritiya 2026) शुभ मुहूर्तावर (१९ एप्रिल २०२६) आयुष्याची नवी सुरुवात केली आहे. कोणत्याही थाटामाटाविना, अत्यंत साध्या आणि पारंपरिक पद्धतीने स्वानंदीने विक्रांत रामदास (Vikrant Ramdas) यांच्याशी विवाहगाठ बांधली. विक्रांत रामदास हे मराठी चित्रपटसृष्टीतील एक परिचित नाव असून तो लेखक, दिग्दर्शक आणि अभिनेता म्हणून कार्यरत आहेत. स्वानंदीने सोशल मीडियाच्या माध्यमातून लग्नाचे खास फोटो शेअर करत ही आनंदाची बातमी चाहत्यांबरोबर शेअर केली. हा विवाहसोहळा स्वानंदीच्या कोकणातील घरी मोजक्या पाहुण्यांच्या उपस्थितीत पार पडला. यावेळी स्वानंदीने परिधान केलेली हिरवी नऊवारी साडी आणि मोत्यांच्या दागिन्यांनी सर्वांचे लक्ष वेधून घेतले. तर विक्रांतने पांढरा कुर्ता आणि धोतर असा साजेसा मराठमोळा पेहराव केला होता. सोशल मीडियावर फोटो शेअर होताच, मराठी कलाविश्वातील सेलिब्रिटींसह हजारो चाहत्यांनी या जोडप्यावर शुभेच्छांचा वर्षाव केला आहे. (सर्व फोटो सौजन्य : स्वानंदी सरदेसाई/इन्स्टाग्राम) (हेही पाहा : 'सूपर डुपर' चित्रपटातील कुशल बद्रिके व नम्रता संभेरावच्या नव्या फोटोशूटची चर्चा)