सारा तेंडुलकरचा स्टायलिश लूक; 'GQ' सोहळ्यात वहिनी सानियाबरोबरच्या फोटोंची चर्चा

भारतीय क्रिकेटचा देव मानल्या जाणाऱ्या सचिन तेंडुलकरची (Sachin Tendulkar) कन्या सारा तेंडुलकर (Sara Tendulkar) पुन्हा एकदा आपल्या फॅशन स्टेटमेंटमुळे चर्चेत आली आहे. २३ एप्रिल २०२६ रोजी मुंबईत पार पडलेल्या 'GQ Most Influential Young Indians 2026' या दिमाखदार पुरस्कार सोहळ्यात साराने आपल्या सौंदर्याने सर्वांच्या नजरा खिळवून ठेवल्या. या विशेष सोहळ्यासाठी साराने अत्यंत स्टायलिश असा काळ्या रंगाचा बॉडीकॉन ड्रेस परिधान केला होता. या लूकला साजेसा असा 'मिनिमल ग्लॅम' मेकअप आणि मोकळे केस साराच्या सौंदर्याला अधिकच उठाव देत होते. या सोहळ्याचे मुख्य आकर्षण ठरले ते म्हणजे सारा आणि तिची वहिनी सानिया यांचे बॉन्डिंग. साराने तिचा भाऊ अर्जुन तेंडुलकरची (Arjun Tendulkar) पत्नी सानियाबरोबर (Saaniya Chandhok) कॅमेऱ्यासमोर खास पोज दिल्या. ५ मार्च २०२६ रोजी अर्जुन आणि सानिया यांचा विवाहसोहळा मुंबईत मोठ्या थाटामाटात संपन्न झाला होता. लग्नानंतर या दोघी नणंद-भावजयींमधील मैत्रीपूर्ण केमिस्ट्री पहिल्यांदाच एका मोठ्या सार्वजनिक व्यासपीठावर पाहायला मिळाली. (सर्व फोटो सौजन्य : सारा तेंडुलकर/इन्स्टाग्राम) (हेही पाहा : लाल सिल्क साडी अन् डिझायनर ब्लाऊज; मृण्मयी देशपांडेच्या सौंदर्याने चाहत्यांना घातली भुरळ)