भाजपाला पराभूत करण्यासाठी काँग्रेसच्या नेतृत्वाखाली स्थापन झालेल्या इंडिया आघाडीला एकापाठोपाठ एक धक्के बसताना दिसत आहेत. अनेक राजकीय पक्षांनी इंडिया आघाडीतून बाहेर पडत स्वतःची वेगळी वाट धरली आहे. लोकसभा निवडणुकांच्या तारखा कधीही जाहीर होऊ शकतात अशा परिस्थितीतही इंडिया आघाडीचा जागावाटपाचा तिढा अद्यापही सुटलेला नाही. त्यामुळे अनेक पक्ष स्वबळाचा नारा देत आहेत.

आसाम तृणमूल काँग्रेसनेदेखील लोकसभा निवडणुकीसाठी स्वतःचे उमेदवार उभे करण्याची तयारी सुरू केली आहे. आसाम तृणमूल काँग्रेसचे प्रमुख रिपुन बोरा यांनी बुधवारी सांगितले की, आसाममध्ये इंडिया आघाडीसोबत जागावाटप होण्याची शक्यता कमी आहे. पक्ष लोकसभा निवडणुकीसाठी स्वतःचे चार उमेदवार उभे करण्याची तयारी करत आहे. आसाम तृणमूल काँग्रेस (टीएमसी) आसाममधील काँग्रेसच्या नेतृत्वाखालील १६ पक्षीय संयुक्त विरोधी मंचाचा अर्थात युनायटेड आपोझिशन फोरमचादेखील एक भाग आहे; जो केंद्र सरकारचा नागरिकत्व दुरुस्ती कायदा, २०१९ लागू करण्याच्या विरोधात आहे.

Loksatta karan rajkaran Will the Thackeray group leave the seat for the Congress from the Versova assembly constituency of North West Mumbai Constituency
कारण राजकारण : वर्सोव्याची जागा काँग्रेसला सोडणार?
akola , eknath shinde, eknath shinde news,
पश्चिम वऱ्हाडाला शिवसेना शिंदे गटाकडून बळ, केंद्रीय राज्यमंत्री व विधान परिषद सदस्यत्व
Kumari Selja interview Haryana Congress Haryana state Assembly elections
पक्षांतर्गत दुफळी, प्रचाराच्या दोन वाटा! विधानसभा निवडणुकीच्या तोंडावर हरियाणा काँग्रेसमध्ये नेमके काय सुरु आहे?
Communist Party Of India, Assembly Seat List, Maha vikas Aghadi, Maha vikas Aghadi Leaders, Maharashtra Elections, Maharashtra Assembly Elections 2024, marathi news, maharashtra news,
लोकसभेत प्रचार केला, आता विधानसभेच्या जागा द्या, घटक पक्षांचे मविआवर दबावतंत्र
Wardha Political Aspirants Emerge After Lok Sabha Results Congress Leaders Seek MLA Tickets
काँग्रेसला सुगीचे दिवस…पण, दावेदारांसोबतच डोकेदुखीही वाढली…वर्धेत तर एका नेत्याने…
Prashant Kishor Jan Suraaj party launch message to Dalits Muslims
तारीख ठरली! प्रशांत किशोर स्थापणार नवा राजकीय पक्ष; दलित-मुस्लिमांना विशेष आवाहन
Janata Dal United JDU looks to expand footprint in UP and Jharkhand to boost NDA
कुर्मी मतांना आपलेसे करण्याचा प्रयत्न; उत्तर प्रदेश-झारखंडच्या निवडणुकीसाठी जेडीयूची तयारी
narsayya adam, narsayya adam master,
विधानसभेची उमेदवारी गृहीत धरून नरसय्या आडम यांचे ‘व्होट भी-नोट भी’ अभियान सुरू 

स्वबळावर निवडणूक लढविण्याचा निर्णय का?

आसाममधील १४ लोकसभा जागांपैकी धुबरी, लखीमपूर, कोकराझार आणि करीमगंज या चार जागांवर तृणमूल काँग्रेस उमेदवार उतरवण्याच्या तयारीत आहे. निवडणुकीसाठी उमेदवार निश्चित करण्यासाठी तृणमूल काँग्रेसच्या केंद्रीय निवडणूक समितीची पहिली बैठक आज होणार आहे. रिपुन बोरा यांनी २०२२ मध्ये काँग्रेस पक्ष सोडून टीएमसीमध्ये प्रवेश केला होता. ते म्हणाले की, आघाडीत जागावाटप होईल की नाही याची प्रतीक्षा करू. परंतु, शक्यता खूपच कमी आहे.

“जर पश्चिम बंगालमध्ये जागावाटप होत नसेल तर आसाममध्येही जागावाटप होणार नाही. आमच्या ऐकण्यात आले आहे की, आसाम काँग्रेस त्यांच्या उमेदवारांची यादी ८ मार्चला जाहीर करणार आहे. परंतु, जागावाटपासंदर्भात आमची अंतिम बैठक झालेली नाही. जागावाटपाची शक्यता कमी वाटत असल्याने आम्ही स्वबळावर लढण्याची तयारी केली आहे. निवडणुकांना खूप कमी दिवस शिल्लक आहेत, वाट पाहण्यासाठी आणखी वेळ नाही”, असे बोरा यांनी ‘द इंडियन एक्स्प्रेस’ला सांगितले.

फेब्रुवारीच्या शेवटच्या आठवड्यात टीएमसी नेते डेरेक ओ ब्रायन म्हणाले होते की, आगामी निवडणुकीत त्यांचा पक्ष एकट्याने उतरणार आहे. लोकसभेसाठी पश्चिम बंगालमधील सर्व ४२ जागा, आसाममधील काही जागा आणि मेघालयातील एक जागा लढवण्याच्या पक्षाच्या भूमिकेत कोणताही बदल झालेला नाही, असे त्यांनी सांगितले होते.

हेही वाचा : लोकसभा निवडणुकीपूर्वी ममता बॅनर्जींना आणखी एक धक्का; तृणमूल काँग्रेसच्या ज्येष्ठ नेत्याचा भाजपात प्रवेश

इंडिया आघाडीतील आम आदमी पार्टीनेदेखील आसाममध्ये आपल्या तीन उमेदवारांच्या नावांची घोषणा केली आहे. “इंडिया आघाडीतील सदस्यांना जागावाटपाबद्दल सांगून कंटाळा आला आहे”, असे म्हणत आपने फेब्रुवारीच्या सुरुवातीला आपले उमेदवार जाहीर केले होते. परंतु, दुसरीकडे आपने इंडिया आघाडीबरोबर असल्याचेही ठामपणे सांगितले. आसाममध्ये दिब्रूगढ मतदारसंघात इंडिया आघाडीकडून लुरिनज्योती गोगोई यांना उमेदवारी देण्याचे निश्चित असल्याचे सांगण्यात आले आहे. लुरिनज्योती गोगोई हे प्रादेशिक पक्ष असम राष्ट्रीय परिषदेचे अध्यक्ष आणि ऑल आसाम स्टुडंट्स युनियनचे माजी अध्यक्ष आहेत.