scorecardresearch

Premium

नगरविकासमंत्री होतो तरी तेव्हा अधिकारच नव्हते …मुख्यमंत्री एकनाथ शिंदे यांचा उद्धव ठाकरे यांना चिमटा

नगरविकासमंत्री म्हणून अधिकार नव्हते अशी कबुली देत शिंदे यांनी मुंबई महापालिकेचा सारा कारभार हा मातोश्रीवरूनच हाकला जायचा असे सूचित केले आहे.

at the time of ministership has no authority to take decision about Urban development department, Eknath Shinde criticized Uddhav Thackeray
नगरविकासमंत्री होतो तरी तेव्हा अधिकारच नव्हते …मुख्यमंत्री एकनाथ शिंदे यांचा उद्धव ठाकरे यांना चिमटा

महाविकास आघाडी सरकारमध्ये नगरविकासमंत्री म्हणून महापालिका माझ्या अखत्यारीत होत्या तरी मला काही अधिकारच नव्हते. त्यामुळे मुंबई, ठाणे किंवा अन्य कोणत्याही शहरांमधील प्रश्न मार्गी लावू शकलो नाही, अशी कबुलीच मुख्यमंत्री एकनाथ शिंदे यांनी ‘लोकसत्ता लोकसंवाद’ कार्यक्रमात दिली.

मुंबईतील रस्त्यांवरील खड्डे भयंकर आहेत. ठाणे वा मुंबई महानगर क्षेत्रविकास प्राधिकरणाच्या हद्दीतील पायाभूत सुविधांचे प्रश्न तातडीने सोडविणे आवश्यक आहेत. नगरविकासमंत्री होतो तरी तेव्हा सारे अधिकार तिकडे (मातोश्री) होते. परिणामी मला मर्यादा होत्या. मुंबईतील रस्त्यांची कामे करण्याकरिता ‘एल ॲण्ड टी’ सारखी मोठी कंपनी पात्र ठरत नव्हती. आता का पात्र ठरत नव्हती हे मला माहीत नाही, असे सांगत शिंदे यांनी सारे खापर उद्धव ठाकरे यांच्यावर फोडले.

Ajit Pawar claims that Mahanand board resigns voluntarily decision on funding after discussion with CM
महानंदच्या संचालक मंडळाचे राजीनामे स्वखुशीनेच, निधीबाबतचा निर्णय मुख्यमंत्र्यांशी चर्चेनंतर, अजित पवार यांचा दावा
kolhapur, shivsena leader arjun khotkar, arjun khotkar latest news in marathi, arjun khotkar marathi news
एकनाथ शिंदे यांना पुन्हा मुख्यमंत्र्यांच्या रूपात पाहायचे आहे – अर्जुन खोतकर
CM Mohan Yadav MP government change
IAS अधिकाऱ्यांच्या बदल्या ते मंत्र्यांसाठी विशेष शिकवणी; मोहन यादव MP सरकार कसे चालवतायत?
Congress state president Nana Patole demands that the chief minister should resign immediately accusing him of corruption Nagpur
मुख्यमंत्र्यांवर भ्रष्टाचाराचे आरोप, तात्काळ राजीनामा द्यावा; काँग्रेसचे प्रदेश अध्यक्ष नाना पटोलेंची मागणी

हेही वाचा… राज ठाकरे यांच्या दौऱ्याने विदर्भात मनसे बाळसे धरणार?

मुख्यमंत्री म्हणून मला जसे अधिकार प्राप्त झाले तसे मी मुंबईच्या प्रश्नात लक्ष घातले. खड्डे हा कधीही न सुटणारा प्रश्न आहे. यामुळेच मुंबईतील सर्व रस्त्यांचे काँक्रिटीकरण करण्याचा निर्णय घेतला. येत्या दोन वर्षांत मुंबईतील सर्व रस्त्यांच्या काँक्रिटीकरणाचे काम पूर्ण होईल. मुंबई महानगरपालिका आर्थिकदृष्ट्या सक्षम असल्याने निधीची अडचण येणार नाही. मुंबई वगळता अन्य महापालिकांमध्ये निधीचा मोठा प्रश्न आहे. यामुळे मुंबईच्या धर्तीवर सर्वच महापालिकांमध्ये सर्व रस्त्यांच्या काँक्रिटीकरणाचे काम पालिकांना झेपणारे नाही, असेही शिंदे यांनी सांगितले.

हेही वाचा… जितेंद्र आव्हाड राष्ट्रीय राजकारणात छाप पाडणार ?

नगरविकासमंत्री म्हणून अधिकार नव्हते अशी कबुली देत शिंदे यांनी मुंबई महापालिकेचा सारा कारभार हा मातोश्रीवरूनच हाकला जायचा असे सूचित केले आहे.

हेही वाचा…भाजपचे लक्ष्य बुलढाणा लोकसभा मतदारसंघावर ,’मिशन -४५’ अंतर्गत नियोजनबद्ध तयारी

आगामी मुंबई महानगरपालिका निवडणुकीच्या प्रचारात शिंदे व भाजप हे रस्त्यांवरील खड्डे वा अन्य त्रुटींवरून शिवसेना पक्षप्रमुख उद्धव ठाकरे यांना लक्ष्य करणार हे स्पष्टच दिसते आहे. आगामी महापालिका निवडणुकीत कोणत्याही परिस्थितीत शिवसेनेला पराभूत करण्याची शिंदे व भाजपची योजना आहे.

Latest Comment
View All Comments
Post Comment

मराठीतील सर्व सत्ताकारण बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: At the time of ministership has no authority to take decision about urban development department eknath shinde criticized uddhav thackeray print politics news asj

First published on: 19-09-2022 at 13:45 IST

संबंधित बातम्या

तुम्ही या बातम्या वाचल्या आहेत का? ×