रत्नागिरी : लोकसभा निवडणुकीच्या निमित्ताने कोकणात भाजपाची वर्चस्वाची, तर मुख्यमंत्री एकनाथ शिंदे यांच्या नेतृत्वाखालील शिवसेनेची अस्तित्वाची लढाई सुरू झाल्याचे चित्र पुढे येत आहे. ‘अबके बार चार सौ पार’ अशी घोषणा करुन या निवडणुकीत भाजपा उतरला असल्यामुळे लोकसभेची प्रत्येक जागा त्यांच्यासाठी मोलाची आहे. त्यामुळे कोकणात शिवसेनेचे परंपरागत वर्चस्व असूनही इथे केवळ हातपाय पसरण्यासाठी नाही, तर स्वतःची पकड निर्माण करण्यासाठी भाजपने कंबर कसली आहे. मागील लोकसभा निवडणुकीत या मतदारसंघातून तत्कालीन अखंडित शिवसेनेचे विनायक राऊत दीड लाख मतांनी निवडून आले. तसेच त्यानंतर झालेल्या विधानसभा निवडणुकीतही रत्नागिरी आणि सिंधुदुर्ग या दोन जिल्ह्यांमध्ये मिळून विधानसभेच्या आठ जागांपैकी शिवसेनेने सहा जागा जिंकल्या. पण दीड वर्षापूर्वी झालेल्या फुटीनंतर आता या दोन गटांकडे विधानसभेच्या प्रत्येकी तीन जागा राहिल्या आहेत. त्या बळावर येथील लोकसभा मतदारसंघावरही शिंदे यांच्या शिवसेनेने हक्क सांगितला आहे, तर पंतप्रधान नरेंद्र मोदी यांच्या लोकप्रियतेचा फायदा घेऊन भाजपाला कोकणात पुन्हा गतवैभव प्राप्त करायचे आहे. त्यामुळे या पक्षाने लोकसभा निवडणुकीसाठी केंद्रीय मंत्री नारायण राणे आणि राज्याचे सार्वजनिक बांधकाम मंत्री रवींद्र चव्हाण यांची नावे उमेदवार म्हणून चर्चेत आणली आहेत.

हेही वाचा : अकोल्यात भाजपची उमेदवारी कोणाला ?

मराठीतील सर्व सत्ताकारण बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: In konkan bjp s battle for supremacy whereas eknath shinde s shivsena is for survival in lok sabha election 2024 print politics news css
First published on: 23-02-2024 at 10:58 IST